[:gl]Novas[:es]Noticias[:en]News[:]

A undécima edición de Santiago(e)tapas, o concurso de tapas compostelás organizado conxuntamente por Turismo de Santiago e a Asociación Hostalería Compostela, concluíu coa entrega dos seus premios. A Viaxe, Artesana, TS A Casa e Doña Ana son os establecementos que se repartiron os principais galardóns nunha edición que contou coa participación de 68 establecementos. En total presentáronse 101 tapas a concurso na primeira fase do 15 de novembro e o 2 de decembro.

As mellores dez tapas escollidas polo xurado pasaron á gran final do 7 ao 9 de decembro, onde o público e un novo xurado profesional valoraron ás finalistas. En total, nos 20 días de concurso consumíronse máis de 30.000 tapas e emitíronse 21.700 votos válidos para escoller os dous premios do público, resultado do voto popular da primeira fase, e os tres grandes premios finais, resultado conxunto da valoración do xurado profesional e o voto popular dos tres días da final.

O primeiro premio foi para “ Montadiño Tenreira Arzúa-Ulloa” da Viaxe, o segundo foi para “Croqueta” de Artesá e o 3º para “A Pataca Quechola” de Dona Ana. Para o público os premiados foron “ Capuccino” de ArteSana e “ Petisco galego 100% apto” de TS A Casa mentres que o Premio(É)Tapas+, ao dinamizador en redes sociais máis activo foi para @ queverensantiago, usuario de Instagram.