[:gl]Novas[:es]Noticias[:en]News[:]

Os 27 expositores galegos amosan a oferta turística galega hoxe e mañá e manteñen reunións con profesionais interesados ​​en coñecer os produtos

Un total de 745 axencias de viaxes de toda España participan hoxe e mañá no obradoiro ‘on-line’ #quedamosenGalicia, promovido polo Clúster de Turismo de Galicia. Nun ambiente virtual que reproduce un espazo expositivo, 27 empresas galegas teñen stands onde se presentan e amosan os seus produtos. A partir de aí, organízanse reunións virtuais con aqueles participantes rexistrados que o desexen.

O workshop foi inaugurado esta mañá polo vicepresidente primeiro da Xunta de Galicia, Alfonso Rueda, a directora da Axencia de Turismo de Galicia, Nava Castro, e o presidente do Clúster de Turismo de Galicia, Cesáreo Pardal.