[:gl]Novas[:es]Noticias[:en]News[:]

  • O turismo supoñerá case o 22% do crecemento da economía nacional.

 

O turismo volverá a marcar a diferencia un ano máis. Segundo un novo informe de Exceltur, o sector turístico igualará este ano a cifra de 2019 e alcanzará o 12,6% do Produto Interior Bruto (PIB). Este documento tamén sinala que o sector representará o 21,8% do crecemento total da economía española.

 

A entidade turística resalta que o crecemento da actividade turística en verán podería acentuarse en outono, pois existe unha tendencia a alongar a tempada.

 

Tendo en conta o dinamismo do verán e as expectativas empresariais para o último trimestre do ano, a asociación aumentou en tres puntos a súa estimación de PIB turístico nominal, acadando os 183.078 millóns de euros, un 16,3% sobre o nivel de 2019.

 

Balance positivo

 

O verán de 2023 acelera a evolución da actividade turística en España, cun crecemento do 17,3% respecto a 2019. Diferenciando por sectores, os hoteis (+17,8%) e as empresas e institucións de ocio (+15,9%) pechan un verán con aumentos notables nas súas vendas con respecto ao 2019. Seguen as compañías de transporte, cun aumento do 10,3%, e as axencias de viaxe, cun 9% máis.

 

No que respecta á demanda estranxeira, esta tamén intensificou o seu crecemento en verán, principalmente en termos de gasto en destino (+16,9%).

 

O informe destaca un balance especialmente positivo nas comunidades do norte, destacando a Galicia cun aumento do 27%, por diante de comunidades como Asturias, Cantabria, Comunidad Valenciana, Andalucía, Baleares ou Canarias.

11 de Outubro de 2023

O sector turístico representará o 12,6% do PIB español, segundo Exceltur

O turismo supoñerá case o 22% do crecemento da economía nacional.   O turismo volverá a marcar a diferencia un ano máis. Segundo un novo informe […]
09 de Outubro de 2023

Galicia rexistra este verán as cifras de demanda turística máis altas da historia

Os datos do INE cifran en preto de 5 millóns as noites inscritas nos establecementos entre xullo e agosto, un incremento do 1,5%.   Os datos […]
09 de Outubro de 2023

O integrante da directiva do Clúster Turismo de Galicia, Juan A. Rivadulla, vén de ser nomeado novo secretario xeral da Confederación Española de Axencias de Viaxe

Rivadulla é presidente da Asociación Galega de Axencias de Viaxes (AGAVI) desde 2016.   O Consello Directivo da Confederación Española de Axencias de Viaxes (CEAV) nomeou […]
09 de Outubro de 2023

Xornalistas de viaxes de medios nacionais e estranxeiros valoran moi positivamente a iniciativa “Galicia Destino Sostible”

Preto de dez profesionais participaron a semana pasada nun press trip, organizado polo Clúster para dar a coñecer a plataforma. “Galicia Destino Sostible” busca integrar a […]