[:gl]Novas[:es]Noticias[:en]News[:]

A Deputación de Pontevedra presentou o avance do Plan de Reactivación do destino Pontevedra Provincia

Seguridade e confianza, pero tamén adaptación da comercialización e da promoción do destino e colaboración e capacitación para o sector. Estas son algunhas das claves do avance do Plan de Reactivación do destino Pontevedra provincia, impulsado pola Deputación da Pontevedra como consecuencia da crise sanitaria provocada polo coronavirus. Neste sentido a presidenta da Deputación incidiu na necesidade de converter á provincia nun destino seguro, sustentable e inclusivo e fixo fincapé nas primeiras medidas postas en marcha desde o ente provincial: seguridade e confianza na rede Info Rías Baixas, na comercialización e adaptación da promoción do destino, na colaboración con eventos turísticos e no apoio e capacitación do sector.

Todas elas veñen estruturadas no cinco eixos de actuación do plan que son o financiamento, aspectos legais e a fiscalidade; a prevención da seguridade, saúde e hixiene elaborando protocolos claros e plans de garantía sanitaria; a dixitalización e a competitividade centradas no liderado empresarial e fortalecemento a través da capacitación, innovación e emprendimiento; o fomento da demanda de produtos e servizos turísticos da provincia ligados ao consumo local e a adaptación da promoción do destino Rías Baixas.

Da análise de tendencias realizadas mediante o Plan de Reactivación do destino Pontevedra provincia pódese extraer xa que para garantir o éxito é preciso cumprir con tres requisitos: “a garantía sanitaria e todo o que ten que ver coa seguridade e hixiene e a non masificación, a flexibilización en canto ás cancelacións ou cambios de plans e a confianza que serán os que determinen que as persoas turistas decántense por un lugar determinado”, asegurou Carmela Silva. Neste campo, a presidenta fixo fincapé na importancia de estar “moi alerta para atender á demanda nova e adiantarnos provocando cambios na oferta” tendo en conta, ademais que, nestes momentos, “estudos, portais de turismo e expertas e expertos sitúannos como un dos destinos máis atractivos para este verán”.

Silva adiantou que se aprobou xa un plan de continxencia para as oficinas adheridas a Turismo Rías Baixas para a contratación de persoal, cun orzamento de 250.000 euros, para financiar a contratación de 27 persoas para tarefas de información nestas oficinas situadas en 21 concellos da provincia.

En canto á comercialización e adaptación da promoción do destino o aspecto prioritario é ofertar actividades ligadas a experiencias locais e sustentables, evitando aglomeracións e apostando pola natureza e espazos ao aire libre, polo turismo responsable, inclusivo e sustentable, reforzando márcaa Rías Baixas. Ao respecto da comercialización, Carmela Silva adiantou que esta semana se licitou, por valor de 116.000 euros para o 2020 e prorrogable a outros tres anos máis, a asistencia técnica integral para a celebración de workshops e misións comerciais sectoriais no mercado nacional e norte de Portugal, en sintonía co Clúster de Turismo de Galicia.

En canto á promoción, lembrou que están en marcha campañas de produtos de proximidade e o arranque da nova campaña de comercio local. Neste mesmo campo, está en funcionamento a adaptación do plan de comunicación do destino, centrado tamén no mercado de proximidade, ao que se destinan 150.000 euros para a promoción da provincia como destino seguro a través dunha nova campaña online e off line.

Outra das medidas en marcha é a colaboración con eventos turísticos, ben sexan deportivos, festivais musicais ou audiovisuais e relacionados coa organización de congresos e eventos (MICE). “Imos destinar recursos tanto aos que se celebren este ano como a aqueles que pasan ao 2021, para garantir que non se perdan eventos que teñen tanta capacidade de atracción turística”, asegurou a presidenta da Deputación.

Finalmente, entre as medidas xa lanzadas pola Deputación de Pontevedra para reactivar o turismo atópase a capacitación do sector e a necesidade de apostar pola dixitalización dos negocios para garantir a súa competitividade. Ademais, e neste aspecto, a presidenta explicou que “imos continuar coa formación online iniciada en abril cos establecementos adheridos ao SICTED, temos en marcha unha aceleradora que comeza a súa andaina a partir do 25 de maio e lanzamos sesións formativas orientadas ao turismo”. Tamén informou que continuarán os asesoramentos a pemes e persoas autónomas con información práctica sobre cuestións fiscais, laborais ou de comercialización e adiantou que se está elaborando un documento para facilitar e garantir a transparencia, viabilidade e supervivencia e tecido empresarial turístico da provincia, así como o emprego.

Plan de Reactivación de Turismo Rías Baixas (pdf)

22 de Maio de 2020

A garantía sanitaria, a flexibilización e a confianza, elementos craves para a reactivación do turismo na provincia de Pontevedra

A Deputación de Pontevedra presentou o avance do Plan de Reactivación do destino Pontevedra Provincia Seguridade e confianza, pero tamén adaptación da comercialización e da promoción […]
21 de Maio de 2020

A FEGAMP rexeita a proposta da Xunta para o control do aforamento das praias

O ente que agrupa aos concellos galegos estuda analizar o Catálogo de Praias de Galicia para estudar posibles ferramentas para o apoio nesta xestión Sucédense diferentes […]
20 de Maio de 2020

A Xunta modifica ordes e axudas para o turismo que pasarán a xestionarse a través de convenio individuais para cumprir obxectivos e axudas fronte ao novo escenario post covid-19

Co obxectivo de readaptar os programas e medidas postas en marcha por parte da Consellería de Cultura e Turismo para o sector do turismo ante o […]
19 de Maio de 2020

Andalucía, Galicia e Comunidade Valenciana, entre os destinos máis desexados na “nova normalidade”

Na situación actual de incerteza segue habendo unha importante porcentaxe de persoas que segue anhelando viaxar cando chegue a nova normalidade. Nestes días sucédense as enquisas […]
Página anterior
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537
Página siguiente