- El mejor turismo de galicia
[:gl]Novas[:es]Noticias[:en]News[:]
O informe, elaborado a partir de 170 enquisas recibidas recolle a perspección do sector ante esta situación inédita e recomenda apostar por reforzar a imaxe de Galicia como destino seguro
Axudas económicas e fiscais, protocolos de seguridade, investimento en planificación e continxencia, loita contra a ilegalidade e o intrusismo, incremento da calidade e distintivos de ?destino seguro? son algunhas das demandas do sector que recolle o informe elaborado por Proturga a partir das 170 enquisas recollidas entre os diferentes profesionais do sector turístico galego. Todos eles, aloxamentos, restaurantes, guías turísticos, empresas de turismo activo, actividades complementarias e consultorías de turismo ademais de profesionais por conta allea, transmitiron as súas necesidades a PROTURGA, a través dunha enquisa transversal relativa á crise do Covid-19.
O documento, que xa foi remitido tanto ao Clúster Turismo de Galicia como á diferentes administración competentes en materia turística, recolle tamén os principais temores do sector, entre os que destaca como afrontar os gastos inmediatos e o que se produza unha situación de medo ao contaxio nos mercados actuais e potenciais durante o ano 2020. A medio prazo, os receos pasan porque haxa unha perda de interese no destino Galicia.
Finalmente o documento apela á unión do sector, entendendo que, neste momento, toda a cadea de valor do turismo é máis forte actuando en conxunto, todos e cada un dos subsectores potenciará a reactivación.
Promoción de Galicia como destino turístico a través dos seus profesionais.
Durante esta crise do coronavirus, PROTURGA puxo en marcha unha nova liña dirixida a facerlle fronte. Ademais desta actuación de analizar as necesidades do sector, tamén está a executar unha campaña de sensibilización e promoción do turismo interno para o momento en que se restaure a mobilidade. Os hastags #EuCambioDeData #EuApoioOTurismoGalego e #EuViaxoPorGalicia son os slogans que acompañan dita campaña, para promover que, unha vez que pase esta etapa de confinamento a xente viaxe por Galicia e tamén para que aqueles que tiñan reservas para esta época, aprácenas para outros momentos en lugar de cancelalas.
