[:gl]Novas[:es]Noticias[:en]News[:]

• O Club de Produto facilita a captación de turistas, incrementa a visibilidade dos asociados e mellora o seu posicionamento, facéndoos máis competitivos.
• A plataforma, impulsada polo Clúster e Xunta coa vocación de integrar a oferta turística sostible de Galicia, suma máis de 90 empresas adheridas e 140 experiencias.

O Clúster Turismo de Galicia presentou hoxe ás empresas que integran a Ruta do Viño Rías Baixas a iniciativa ‘Galicia Destino Sostible’. Este club de produto, impulsado polo Clúster e a Xunta de Galicia como un hub para integrar toda a oferta turística sostible da Comunidade, ten adheridas máis de 90 empresas e integra 140 experiencias na súa web.

O presidente do Clúster, Cesáreo Pardal, xunto con outros integrantes da entidade, expuxeron esta mañá na sede da D.O Rías Baixas as vantaxes de adherirse a Galicia Destino Sostible. O club de produto ofrece ás empresas unha canle de captación de turistas interesados e actividades turísticas sostibles; incrementa a súa visibilidade, grazas á promoción e difusión da súa oferta a nivel nacional; reforza a súa credibilidade, ao contar co aval do club para os atributos de calidade e sostibilidade; conta co apoio institucional da Xunta e facilita o acceso ao financiamento público e á formación técnica en sostibilidade; e facilita a busca de alianzas e socios estratéxicos para desenvolver novos produtos.

Plan de acción do Club

O plan de acción anual do club de produto abrangue diferentes actividades de promoción e comercialización. En 2023 desenvolveuse unha campaña de promoción en colaboración con Turespaña dirixida ao mercado estadounidense; así como viaxes de familiarización e prescrición con medios nacionais e internacionais; e actividades de formación e apoio á certificación da S de Sostibilidad. En 2024 está prevista a participación en diferentes feiras e workshops; porase en marcha unha nova campaña de cooperación con Turespaña, e darase continuidade á formación e ao asesoramento na certificación. Ademais buscarase o aproveitamento de sinerxias con outras entidades que aporten valor engadido ao club e crearanse grupos de traballo e escoita.

Adhesión

Para adherirse a Galicia Destino Sostible as empresas teñen que cumprir a lo menos un requisito habilitante (certificación de sustentabilidade; Fair´n Green; Estrela Verde da Guía MICHELIN; pertenza ao proxecto Turismo Slow Norte de Galicia, ou ao Club de produto Ecoturismo de España ou una certificación ambiental: ISO 14000, EMAS, etc.) ou ben o 100% dos obrigatorios e un 33% dos valorables.

A adhesión pode solicitarse a través da web galiciadestinosostible.com. Unha vez que o comité asesor acepte a adhesión, a empresa xestionará as súas ofertas desde o portal e gozará das vantaxes de pertencer ao club de produto de xeito gratuíto.

Ruta do Viño Rías Baixas

A Ruta do Viño Rías Baixas ten máis de dúas décadas de historia e conta cun centenar de asociados que  ofrecen multitude de opcións para descubrir o mundo do viño. Visitas a bodegas, e catas acompañadas de actividades complementarias e contornas singulares que configuran un oferta enoturística de calidade.  A Ruta do Viño Rías Baixas é único itinerario galego incluído no selecto club dos Roteiros do Viño de España e na Guía de Roteiros Enológicas Accesibles para Todas as Persoas editada pola Plataforma Representativa Estatal de Persoas con Discapacidade Física (PREDIF).