[:gl]Novas[:es]Noticias[:en]News[:]

A Federación Galega de Turismo Rural promociónase cun vídeo cheo de natureza e tenrura.

 

Imaxes cheas de tenrura nas que a natureza se erixe como gran protagonista dan forma ao vídeo dedicado á “Primavera” que acaba de lanzar a Federación Galega de Turismo Rural (Fegatur) a través dos seus espazos en redes sociais para promocionar os seus establecementos. O vídeo enmárcase na campaña A Sinfonía dos Abrazos presentada na pasada edición de Fitur. Concretamente, trátase da segunda das catro fases nas que Fegatur dividiu esta iniciativa destinada a promover o turismo rural galego como unha oferta diferenciadora, de calidade e segura.

 

Desde a Federación, entidade asociada al Clúster Turismo de Galicia, explican que con este vídeo queren contribuír a xerar un espírito positivo que permita sobrepoñerse ao contexto bélico actual de terror, barbarie e despropósito, e confían en que sirva de “revulsivo para que compañeiras e compañeiros redobren ilusión e esforzo lembrando que contribúen ao benestar de cantas persoas se achegan a esta terra”. Así, lembran que a través da web www.galiciaturismorural.es pódese reservar en máis de 225 establecementos de turismo rural repartidos por toda Galicia.

 

“Coa Sinfonía dos Abrazos. A Primavera seguimos tentando crear unha comunicación diferenciadora e proactiva, e facémolo contando coa leda complicidade da xente que procura unha casa rural en Galicia, amosándolle e achegándolle pequenas realidades diarias da fauna e a flora que alentan e agroman ao noso carón, dándonos auténticas leccións de vida”, apunta o presidente de Fegatur, Francisco Almuíña Chorén.

06 de Abril de 2022

Fegatur dá a benvida á Primavera cunha loa á vida a través da “Sinfonía dos abrazos”

A Federación Galega de Turismo Rural promociónase cun vídeo cheo de natureza e tenrura.   Imaxes cheas de tenrura nas que a natureza se erixe como […]
05 de Abril de 2022

Aloxamentos e restaurantes poden optar xa ao novo Bono Enerxía Peme do Inega

A convocatoria para melloras enerxéticas está dirixida a autónomos e pemes e dotada cun orzamento de 2 millóns de euros.   O Instituto Enerxético de Galicia […]
04 de Abril de 2022

Os albergues privados repartiranse 500.000 euros en axudas para melloras e dixitalización

Os representantes da asociación Agalber reuníronse no Pino co vicepresidente da Xunta Alfonso Rueda.   O albergue do Pedrouzo, no municipio coruñés do Pino, serviu de […]
03 de Abril de 2022

Máis dun centenar de establecementos turísticos galegos poderán beneficiarse de axudas para mellorar a súa eficiencia enerxética

Galicia recibirá 7,8 millóns de euros do programa aprobado na última reunión da Conferencia Sectorial de Turismo.   Os aloxamentos turísticos galegos (hoteis, cámpings, turismo rural…) […]
Página anteriorPágina siguiente