[:gl]Novas[:es]Noticias[:en]News[:]

Baixo o título “Neste Entroido… que non chos disfracen”, a iniciativa ten como obxectivo sensibilizar ao sector sobre a importancia de consumir espirituosos amparados e etiquetaxes

Organizadas por Turismo de Galicia en colaboración co Clúster Turismo de Galicia, as delegacións da Xunta de Galicia na Coruña e Ourense, así como as Consellerías de Medio Rural e Cultura, Educación e Ordenación Universitaria, e coa colaboración do Consello Regulador das Augardentes e Licores Tradicionais de Galicia, o obxectivo desta iniciativa é dar a coñecer e promocionar entre o sector turístico os destilados con procedencia 100% galega.
A iniciativa, que leva por nome “Neste Entroido… que non chos disfracen”, celebraranse ao longo de tres xornadas en Santiago, A Coruña e Ourense co obxectivo é concienciar ao sector turístico de Galicia sobre a importancia de degustar bebidas espirituosas certificadas e con etiqueta, evitando o consumo dun produto “disfrazado”, non regulado, ao tempo en que se inicde na importancia de pór en valor as augardentes e licores galegos, que demostran unha gran versatilidade tanto na cociña como o coctelería, como poderán comprobar os participantes nas xornadas, que ao longo dunha hora e media aproximadamente participarán nunha cata comentada dos produtos amparados así como unha demostración de coctelería e de cociña.
Así, a primeira xornada terá lugar o luns 5 de febreiro no CSHG, en Compostela, orientada aos seus estudantes, nun primeiro encontro que contará coa participación da conselleira de Medio Rural e da directora de Profesionalización do CSHG. As xornadas dirixidas ao sector profesional terán lugar o martes 6, no IES Vilamarin, coa participación da directora de Turismo de Galicia, Nava Castro, e o mércores 7, no CIFP Paseo dás Pontes, onde tamén participará a Directora Xeral de Gandería, Agricultura e Industrias Alimentarias.
Se queres participar, é necesaria previa inscrición no correo electrónico secretaria.turismo@xunta.gal ou no teléfonos: 981 546 351/ 981 546 352.