[:gl]Novas[:es]Noticias[:en]News[:]

Participa na rolda de presentacións Xacobeo 21-22 organizada pola Axencia de Turismo, que xa visitou París, Zúrich, Hamburgo e Frankfurt

 

O Camiño inglés repuntou nas últimas dúas décadas ata converterse no terceiro itinerario máis transitado. Así o destacaba o presidente do Clúster Turismo de Galicia, Cesáreo Pardal, esta tarde na presentación do Xacobeo 21-22 en Londres, organizada pola Axencia Turismo de Galicia, en cuxa representación acudiu  a directora de Promoción, Carmen Pita, e na que tamén participou o Conselleiro da Oficina de Turismo da capital británica, Manuel Butler.

Este é o quinto destino no que a Administración autonómica e o Clúster presentan o Xacobeo 21-22, tras visitar París, Zúrich, Hamburgo e Frankfurt. Nun ano no que un dos obxectivos principais é a recuperación do turismo internacional, Cesáreo Pardal quixo convidar aos ingleses a “retomar o Camiño porque, entre outras cousas, encaixa con modelo de turismo tranquilo, non masificado e en contacto coa natureza que demandan turistas e peregrinos no novo contexto postpandemia”.

O presidente do Clúster sinalou que  “o Camiño que eliminou fronteiras para os peregrinos da Idade Media, movidos polo culto ao Apóstolo, está hoxe máis preparado que nunca para retomar o seu pulso internacional”.  Con máis de 173.000 rexistradas no que vai de ano, Cesáreo Pardal lembrou que o “Camiño Xacobeo é un dos principais atractivos de Galicia, un aceno de identidade mundial que ofrece múltiples posibilidades a aqueles que queiran penetrarse na nosa rexión a través dunha das súas máis ancestrais tradición”.

Pardal trasladou que os ingleses que nos visiten “atoparán un destino preparado, acolledor e altamente especializado nun tipo de turismo pausado, non masificado e con inquietudes espirituais e culturais”. Finalmente, o presidente do Clúster que “Galicia ofrece un amplo abanico de posibilidades de experiencias turísticas de desconexión, turismo rural e gastronómico, marítimo, experiencias ao aire libre cunha aposta clara pola sustentabilidade e que que ofrece experiencias de maior valor engadido co Camiño como un dos seus mellores expoñentes. Desde xaneiro máis de 1,7 millóns de persoas visitaron a Comunidade.

12 de Xullo de 2022

O Clúster Turismo de Galicia mostra en Londres as fortalezas do Camiño de Santiago

Participa na rolda de presentacións Xacobeo 21-22 organizada pola Axencia de Turismo, que xa visitou París, Zúrich, Hamburgo e Frankfurt   O Camiño inglés repuntou nas […]
11 de Xullo de 2022

O Clúster Turismo de Galicia impulsa o turismo sostible coa creación do club de produto Galicia Destino Sostible

A iniciativa conta con máis de 300.000 euros de axudas para as empresas, 247.000 para axencias de viaxes e 65.000 para aloxamentos e restaurantes.   O […]
10 de Xullo de 2022

O turismo sobe ao tren para gozar de Galicia

A apertura da liña do AVE ata Ourense e iniciativas como os Trens Turísticos de Galicia fan que este medio de transporte gañe peso no ámbito […]
09 de Xullo de 2022

O turismo de cruceiros en Galicia supera xa as cifras prepandemia

Os 77.000 pasaxeiros rexistrados no primeiro cuadrimestre deste ano permiten superar nun 16 % o anterior récord.   O turismo de cruceiros regresou con forza aos […]