destacados

• A campaña estivo activa desde o mes de xullo ata o mes de novembro.
• Entre as accións incluídas na campaña, destacan: unha landing web, unha campaña de Social e Google Ads, unha peza audiovisual, sorteos semanais e márketing de influencers.

A campaña ‘Deixa pegada na alma e non na Terra’, lanzada polo Clúster Turismo de Galicia para promocionar a marca turística ‘Galicia Destino Sostible’, finaliza con máis de 16M de impresións e máis de 100.000 clics, cunha estratexia centrada nas rexións de España, Galicia e Portugal.

Baixo o claim ‘Deixa pegada na alma e non na Terra’, esta acción de promoción promoveu a faceta sostible da marca turística, enumerando diversas actividades e experiencias sostibles que os visitantes poden gozar na nosa terra. Co obxectivo de resaltar o carácter comprometido e sostible de Galicia, a acción englobouse en catro piares básicos que un turista consciente pode atoparse cando apostan polas experiencias co selo ‘Galicia Destino Sostible’: profesións tradicionais, actividades e experiencias, patrimonio material e inmaterial, e produtos e tradicións galegas.

Como parte desta campaña, levada a cabo desde o mes de xullo ata o mes de novembro de 2024, realizouse unha peza audiovisual que remarca o carácter sostible de GDS e de todas as posibilidades que ofrece a marca turística; creouse unha páxina landing que acompañou a todas as accións da campaña; realizouse unha estratexia de paid media en Google e Social Ads, e organizáronse ata 22 sorteos con experiencias dos establecementos adheridos á marca turística.

Ademais de todo o anterior, tamén se desenvolveron dúas accións coas influencers Un Salto a Galicia (María Rubio) e Angi Baldrich. Ambas puideron gozar dalgunhas das experiencias de GDS, vivindo en primeira persoa o que significa gozar dun turismo consciente. Por unha banda, Angi Baldrich gozou dunha tarde descubrindo a historia das mariscadoras da Costa da Morte, mentres que María Rubio pasou unha tarde entre viños D.O. Rías Baixas.

 Adhesión a ‘Galicia Destino Sostible’

GDS conta xa con máis de 100 empresas e 150 ofertas adheridas. O club de produto serve de punto de encontro entre os turistas e as empresas, facilitando o acceso á ampla oferta turística sostible de Galicia. Para sumarse á iniciativa, as empresas teñen que cumprir a lo menos un requisito habilitante (certificación de sostibilidade; Fair´n Green; Estrela Verde da Guía MICHELIN; pertenza ao proxecto Turismo Slow Norte de Galicia, ou ao Club de produto Ecoturismo de España ou una certificación ambiental: ISO 14000, EMAS, etc.) ou ben o 100% dos obrigatorios e un 33% dos valorables.

A adhesión pode solicitarse a través da web galiciadestinosostible.com. Unha vez que o comité de avaliación acepte a adhesión, a empresa xestionará as súas ofertas desde o portal e gozará das vantaxes de pertencer ao club de produto de xeito gratuíto.