destacados

Nava Castro recolleu en Madrid o galardón outorgado á campaña organizada pola Xunta co apoio do Clúster.

 

A pandemia da covid atrasou a entrega dos galardóns concedidos durante a pasada edición de Fitur, a feira internacional de turismo que se celebra cada ano en Madrid, pero finalmente púidose celebrar o acto no que foi recoñecida a campaña que baixo a denominación de Elixe Galicia puxo en marcha no 2020 a Xunta de Galicia co apoio do Clúster Turismo de Galicia para incentivar o turismo interno. O recoñecemento a  Elixe Galicia foi outorgado por Fitur e a revista Aire Libre na categoría de mellor produto de turismo activo.

 

A entrega de premios celebrouse en días pasados na capital española coa presenza da directora da  Axencia Turismo de Galicia, Nava Castro, que foi a encargada de recoller o galardón e destacar os bos resultados obtidos por Elixe Galicia. Así, este programa composto por paquetes turísticos dirixidos a mozos menores de 30 anos, familias e pensionistas de máis de 55 permitiu comercializar nas súas dúas edicións (2020 e 2021) un total de 4.300 prazas e xerar unha inxección directa no sector turístico de máis dun millón de euros.

 

O programa seguirá aberto ata o próximo mes de novembro. Rutas de patrimonio histórico e cultura; Rutas de natureza e montaña; Vacacións en zonas costeiras e Estadías en balnearios son as catro modalidades de paquetes turísticos que ofrece  Elixe Galicia. Os interesados en gozar dalgún deles deben acudir a unha axencia de viaxes para formalizar a inscrición.

 

Máis información en https://www.turismo.gal/osdam/filestore/1/9/6/8/2_dacd281ef879eca/19682_8ad4c597ed10c14.pdf

15 de Outubro de 2021

Elixe Galicia, premiado como mellor produto de turismo activo 2021 en Fitur

Nava Castro recolleu en Madrid o galardón outorgado á campaña organizada pola Xunta co apoio do Clúster.   A pandemia da covid atrasou a entrega dos […]
14 de Outubro de 2021

O Clúster promociona Galicia na feira internacional TTG de Rímini

Unha misión comercial encabezada por Cesáreo Pardal desprazouse ata Italia para participar na 58° edición deste encontro destinado a profesionais do sector turístico.   Representantes do […]
06 de Outubro de 2021

Aberto o prazo para solicitar as axudas para a adquisición de equipamento post covid

Os establecementos hostaleiros poderán optar a un total de 6 millóns de euros en subvencións a través desta convocatoria de Axencia Turismo de Galicia.   As […]
05 de Outubro de 2021

Máis dun centenar de restaurantes participan na campaña Écociña no Camiño

O Clúster mostrou o seu apoio a esta iniciativa presentada en Vilanova de Arousa por Nava Castro.   Os restaurantes situados nas marxes das distintas rutas […]