[:gl]Novas[:es]Noticias[:en]News[:]

Cesáreo Pardal destaca que a acción está dirixida ás persoas que viaxan dende Galicia ou dende España e busca alentar o desexo de volver a desfrutar dos destinos galegos e animar a outras persoas a vir por primeira vez.

 

O presidente do Clúster Turismo de Galicia, Cesáreo Pardal, presentou hoxe a campaña “Presume de morriña” nun acto que tivo lugar no Porto de Vigo e contou coa participación do vicepresidente primeiro da Xunta de Galicia, Alfonso Rueda; o presidente da Autoridade Portuaria de Vigo, Xesús Vázquez Almuíña; a directora da Axencia Turismo de Galicia, Nava Castro, e a delegada da Xunta en Vigo, Marta Fernández-Tapias.

 

Esta acción é unha continuación e adaptación aos novos escenarios da campaña “Presume de Galicia”, que se desenvolve nas redes sociais e que conta cunha comunidade de máis de 11.000 persoas seguidoras en Instagram, máis de 3.000 en Twitter e unha páxina con cerca de 100.000 adhesións en Facebook.

 

Segundo explicou Cesáreo Pardal, a campaña diríxese ao tipo de turismo que se prevé que protagonice o período de recuperación da actividade tras a pandemia. Este novo perfil foi identificado no proceso de elaboración do Plan Director “Galicia destino seguro” 2021-2023, elaborado pola Xunta de Galicia e o Clúster coa participación da industria e das tres universidades galegas. Este traballo puxo de manifesto a oportunidade que representa para Galicia poder ofrecer un destino seguro, pouco masificado e en contacto coa natureza.

 

O traballo tamén destacou que, nunha primeira fase, as persoas visitantes chegarían ao destino en coche e en grupos moi reducidos. Ademais, nesa busca de seguridade, as persoas viaxeiras elixirían en primeiro lugar destinos e establecementos xa coñecidos nos que confían.

 

O presidente do Clúster Turismo de Galicia indicou que os bos resultados deste verán demostran o acerto nas previsións e na estratexia definida no Plan Director “Galicia destino seguro”.

 

Neste sentido, destacou que a campaña que hoxe se presentou está dirixida a ese tipo de turismo: persoas chegadas dende outros puntos de Galicia ou dende España, en grupos familiares e con gañas de repetir unha experiencia xa vivida. A campaña busca tamén alentar o desexo de persoas que poidan viaxar por primeira vez a Galicia animadas polas experiencias compartidas nas redes sociais.

 

Cesáreo Pardal destacou que o concepto de morriña describe perfectamente ese desexo de volver a Galicia, cunha compoñente emocional coherente coa capacidade de comunicación e prescrición das redes sociais.

 

As persoas que queiran participar na campaña deberán compartir en redes sociais fotografías ou vídeos acompañados de pequenos textos nos que describan unha vivencia en Galicia. A páxina web presumedegalicia.com foi dotada cunha ferramenta informática que permite identificar contidos nas principais redes sociais nos que se faga unha mención e apareza a etiqueta #presumedemorriña e un formulario que facilita a participación ao solicitar e automatizar o uso dos datos de rexistro nas redes.

 

Un xurado formado por artistas e persoas da industria turística decidirá cada mes cales son os mellores contidos. Ademais, as persoas que visitan a páxina poden tamén votar polos seus contidos favoritos. Establécense premios do xurado, premios do público e gañadores dun sorteo entre as persoas votantes que poderán desfrutar de diferentes experiencias turísticas en destinos galegos.

 

Ademais, ofrecerase ás empresas turísticas a posibilidade de adherirse á campaña e animar aos seus clientes a participar e a compartir contidos nos que se cite aos establecementos.

 

No acto de hoxe foi presentado tamén un vídeo que se utilizará para a promoción da campaña, na que profesionais do turismo de Galicia “presumen de morriña” e animan á participación.

02 de Outubro de 2021

O Clúster Turismo de Galicia presenta a campaña “Presume de morriña” cun concurso de foto e vídeo relatos compartidos nas redes sociais

Cesáreo Pardal destaca que a acción está dirixida ás persoas que viaxan dende Galicia ou dende España e busca alentar o desexo de volver a desfrutar […]
29 de Setembro de 2021

Cesáreo Pardal avoga desde Oporto por compartir estratexias turísticas entre Galicia e o Norte de Portugal

O presidente do Clúster Turismo de Galicia participou no acto promocional do Xacobeo 21-22 organizado pola Xunta.   A presentación en Portugal do Xacobeo 21-22 e […]
28 de Setembro de 2021

O Clúster participou en Fisterra na celebración do Día Mundial do Turismo

O acto serviu para presentar os proxectos cos que a Xunta opta a captar 28 millóns de euros de fondos da UE.   Fisterra foi a […]
27 de Setembro de 2021

O Clúster Turismo de Galicia volverá estar presente na Feira Internacional de Turismo de Londres

O prazo para inscribirse na misión comercial que organiza a entidade estará aberto ata o 1 de outubro.   Un ano máis o Clúster Turismo de […]
Página anterior
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538
Página siguiente