[:gl]Novas[:es]Noticias[:en]News[:]

En colaboración co Instituto para a Calidade Turística Española (ICTE), a Asociación de Profesionais de Turismo de Galicia (Proturga) organizou un curso que capacitará aos seus asistentes como auditores internos para a implantación e auditoría de sistemas de calidade turística. Impartido por Noelia Santos, do ICTE, en colaboración coa Deputación de Pontevedra, o curso desenvolverase nas instalacións da Deputación de Pontevedra do 19 ao 29 de xuño cun total de 56 horas de formación nas que se abordará os principios da Calidade Turística, o desenvolvemento das 23 normas existentes de calidade turística (turismo rural, aloxamentos, restauración, turismo de saúde, campos de golf, etc.) así como a elaboración da documentación e unha parte práctica de técnicas de auditoría.

O prazo para inscribirse termina o 7 de xuño e o número máximo de participantes é de 25 persoas con prezos que van dos 300 aos 500 euros. Para máis información: proturga@gmail.com