[:gl]Novas[:es]Noticias[:en]News[:]

O presidente do Clúster, Cesáreo Pardal, realizará unha presentación do Club de Produto durante a sesión prevista para o 26 de xaneiro.

 

Co “Turismo Sostible” como fío condutor a Deputación de Pontevedra e o centro tecnolóxico EnergyLab programaron para o o próximo 26 de xaneiro unha xornada sobre Greentour, o proxecto europeo posto en marcha co obxectivo de lograr novos produtos de turismo sostible e economía circular que permitan salvagardar o patrimonio. A sesión servirá para presentar os resultados máis notables e as experiencias adquiridas a través dos socios do proxecto dentro do territorio SUDOE (suroeste europeo) e que se aplica de forma piloto en Lloret de Mar, Andorra, Massif du Sancy (Francia), o Camiño Lebaniego, Guimarães (Portugal) e as Rías Baixas.

 

Así, entre os relatores que intervirán figuran Sandra Jiménez Almendros, coordinadora de Calidade de Lloret Turismo; Inés Calvo Pensado, técnica de Turismo da Deputación de Pontevedra; Carlos Fernández Martínez, xestor de proxectos europeos da Fundación Camiño Lebaniego, e Lígia Azevedo, técnica Superior de Turismo do Concello de Guimarães, que falarán dos seus respectivos destinos.

 

Pero antes dese apartado de resultados e experiencias haberá tempo para coñecer o contido do Club de Produto Galicia Destino Sostible creado polo Clúster Turismo de Galicia coa colaboración da Xunta para integrar e poñer en valor a oferta turística galega que contribúa a un crecemento sostible deste destino. O presidente do Clúster, Cesáreo Pardal, explicará a xénese e os pormenores desta proposta que en apenas seis meses de vida logrou a adhesión de 70 empresas e que xa ofrece a través da súa páxina web un centenar e medio de produtos turísticos deseñados atendendo a criterios de sustentabilidade.

 

A xornada celebrarase o xoves 26 a partir das 9.30 horas no Pazo Provincial da Deputación de Pontevedra e poderá ser seguida tamén en formato en liña. A presidenta provincial, Carmela Silva, e o director xeral de EnergyLab, Fernando Val López, serán os encargados de realizar a inauguración oficial. A continuación (9.50), María Gallego Fernández, investigadora de ecosistemas urbanos e industriais de EnergyLab, explicará as claves do proxecto Greentour, e acto seguido (10.05) será a quenda de Cesáreo Pardal e a súa exposición “Galicia Destino Sostible: un turismo comprometido”.

 

As intervencións dos representantes dos catro destinos seleccionados para explicar as súas experiencias produciranse de 11 a 12 horas e darán paso a unha quenda de rogos e preguntas.

 

A inscrición na xornada xa está aberta a través de https://form.typeform.com/to/K0R0y6Yw

17 de Xaneiro de 2023

Protagonismo para Galicia Destino Sostible na xornada do proxecto europeo Greentour

O presidente do Clúster, Cesáreo Pardal, realizará unha presentación do Club de Produto durante a sesión prevista para o 26 de xaneiro.   Co “Turismo Sostible” […]
15 de Xaneiro de 2023

Aloxamentos e restaurantes poderán optar este ano a 3,5 millóns en axudas para melloras nos seus establecementos

A Axencia Turismo de Galicia acaba de abrir unha convocatoria que supón un incremento de fondos do 75 % con respecto ao 2022.   O prazo […]
14 de Xaneiro de 2023

O Clúster Turismo de Galicia celebrará en FITUR os seus 10 anos de vida reafirmando a súa aposta pola sustentabilidade

O aniversario da entidade e o Club de Produto Galicia Destino Sostible serán os eixos das dúas presentacións que realizará na feira internacional turística que se […]
10 de Xaneiro de 2023

O Concello da Coruña e a UDC crearán un observatorio turístico

Un equipo da universidade herculina organizará e analizará os datos de interese turístico co obxectivo de optimizar os recursos.   O Concello da Coruña, a través […]