[:gl]Novas[:es]Noticias[:en]News[:]

A Deputación recoñeceu na terceira edición dos seus galardóns o labor e a traxectoria de seis entidades e celebracións da provincia.

 

Durante o acto celebrado o 27 de setembro, Día Mundial do Turismo, tamén foi entregado un galardón ao Turismo Sostible.

 

Coincidindo coa celebración do Día Mundial do Turismo, o pasado día 27, a Deputación de Lugo fixo entrega dos seus terceiros premios á excelencia turística e á gastronomía, uns galardóns cos que o ente recoñece o labor desenvolvido por media ducia de colectivos e iniciativas da provincia. O nome dos gañadores fora aprobado inicialmente polo Consello Provincial de Turismo na reunión celebrada a principios de setembro coa participación, entre outros, do presidente do Clúster Turismo de Galicia, Cesáreo Pardal. O acordo foi ratificado despois pola xunta de goberno provincial.

 

Na categoría Lugo cambia ao Turismo Lucense, os premios foron para a Asociación de Veciños de Vilachá de Salvadur,pola posta en valor do patrimonio material e inmaterial a través de actividades como unha ruta circular ou a recuperación dun castro e da paisaxe natural; a Ruta da Faba de Lourenzá, impulsada pola Cooperativa Terras da Mariña, o Forno de Tovar, o Pazo de Tovar e Lourenzá Turismo, por contribuír a dar a coñecer este produto que goza con Indicación Xeográfica Protexida, e para a Fundación Xosé Soto de Fión polo seu proxecto de protección e divulgación do patrimonio, tanto material como inmaterial, no que levan traballando dúas décadas e cuxo elemento máis visible é a exposición no Ecomuseo Pazo de Arxeriz.

 

Tres foron tamén os premiados na categoría E para comer, Lugo á gastronomía lucense: O Consello Regulador da Denominación de Orixe Protexida San Simón da Costa, en Vilalba, por poñer en valor o Queixo San Simón, un produto abandeirado da gastronomía lucense e galega; a Festa da Pescada do Pincho de Celeiro, en Viveiro, por enxalzar a pescada pescada de forma artesanal polos barcos locais a través dun evento que permite a numerosas persoas coñecer este referente gastronómico de gran calidade, e ao Concello da Fonsagrada pola Feira do Butelo, unha cita de promoción e fomento do consumo de produtos autóctonos da montaña lucense que cumpriu xa os 25 anos de vida.

 

Ademais, nesta ocasión, con motivo da celebración da Copa España Creativa – Fórum Lugo 2022, un evento do que a Deputación de Lugo é anfitrioa, concedeuse o Premio Turismo Sostible, que foi concedido ao proxecto ou proxecto Cabanas das Chousas polo seu traballo no coidado e a protección do medio ambiente con actuacións como o uso de caldeiras de biomasa, o mantemento da súa contorna para a prevención de incendios forestais ou a instalación de contedores de reciclaxe.

 

O presidente da Deputación de Lugo e do Consello Provincial de Turismo, José Tomé Roca, presidiu o acto de entrega de premios, no que tamén tomaron parte outras autoridades como a alcaldesa lucense, Lara Méndez; a subdelegada do Goberno, Isabel Rodríguez, e varios membros do Consello de Turismo.

29 de Setembro de 2022

A excelencia turística e a mellor gastronomía teñen premio en Lugo

A Deputación recoñeceu na terceira edición dos seus galardóns o labor e a traxectoria de seis entidades e celebracións da provincia.   Durante o acto celebrado […]
28 de Setembro de 2022

“A provincia que sabe”, nova campaña da Deputación da Coruña

Esta iniciativa promocional dos produtos agroalimentarios e da gastronomía da provincia da Coruña foi presentada no Galicia Fórum Gastronómico.   Os conceptos de sabedoría e sabor […]
27 de Setembro de 2022

O Clúster celebra o Día Mundial do Turismo reafirmando a aposta pola calidade, a sustentabilidade e a transformación dixital

A entidade fai público un comunicado con motivo da efeméride impulsada pola Organización Mundial do Turismo.   O 27 de setembro é unha xornada marcada en […]
25 de Setembro de 2022

O turismo rural abre as súas portas “de par en par” aos espectáculos en vivo

Un total de 25 establecementos acollerán as actuacións da primeira edición dos Recitais ao serán organizados por Fegatur.   O programa, que arrincou o 24 de […]
Página anterior
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538
Página siguiente