[:gl]Novas[:es]Noticias[:en]News[:]

• A quinta edición de Fairway celebrarase do 1 ao 3 de novembro no Palacio de Congresos e Exposicións de Galicia, en Santiago de Compostela.
• O Clúster contará cun espazo expositivo onde promocionará a marca Galicia Destino Sostible.

Máis de 220 marcas participarán na quinta edición de Fairway, o gran foro de profesionais do Camiño de Santiago. O evento terá lugar do 1 ao 3 de novembro no Palacio de Congresos e Exposicións de Galicia, en Santiago de Compostela. O fórum facilitará máis de 3.000 reunións de traballo para fomentar as rutas xacobeas, e contará coa participación de ata 40 turoperadores nacionais e internacionais, incluíndo países como Estados Unidos, Xapón, Canadá, Italia, Bulgaria, Sudáfrica ou Arxentina.

Por unha banda, participación do Clúster Turismo de Galicia centrarase na posta en valor do destino Galicia, contando para iso cun espazo expositivo a través do cal se dará a coñecer a iniciativa Galicia Destino Sostible. Por outra banda, o presidente do CTG, Cesáreo Pardal, conversará nunha das mesas de debate que se organizan no marco do evento, o 2 de novembro.

Esta V edición de Fairway trae novidades. Contará cunha Feira de Emprego, que se desenvolverá durante o primeiro día do evento, ofrecendo un espazo de contratación centrado nos sectores da hostalaría e hostalería. O fórum tamén habilitará un espazo de speed networking no que os participantes intercambiarán información de forma rápida e directa, favorecendo a aceleración dos contactos comerciais.

O gran foro de profesionais do Camiño de Santiago tamén contara con diversas conferencias, coloquios e mesas de debates; unha feira de exposicións e talleres de formación; ademais dun programa lúdico aberto para todos os públicos. A través da páxina oficial do evento pódese consultar o programa completo e realizar a inscrición ás actividades desexadas.