[:gl]Novas[:es]Noticias[:en]News[:]

O presidente do Clúster participará o venres 25 en Ourense nunha mesa redonda sobre a sustentabilidade nos Camiños de Santiago.

 

O sábado 26, Cesáreo Pardal debaterá en Noia sobre o papel do turismo no desenvolvemento do territorio.

 

O Clúster Turismo de Galicia volverá exercer nos próximos días de voz autorizada do sector participando en dous foros de debate nos que se analizarán cuestións relacionadas co papel do turismo no desenvolvemento do territorio e a necesidade dun modelo sostible. En ambos os casos será o presidente desta entidade, Cesáreo Pardal, o encargado de tomar a palabra para intercambiar ideas e impresións con expertos do mundo da empresa, a administración e o asociacionismo.

 

A primeira destas citas terá lugar en Ourense, no marco da celebración do terceiro Congreso Internacional de Turismo Deportivo que se desenvolverá dentro da quinta edición de Sportur Galicia, o Salón do Deporte e Turismo Activo.

 

As actividades do congreso están previstas para o xoves 24 e o venres 25 e inclúen un amplo programa de relatorios e mesas redondas no que tomarán parte representantes do mundo do turismo deportivo, da xestión de espazos naturais e doutros sectores relacionados con estes ámbitos. A última das mesas redondas, que se celebrará o venres 25 ás 12.55 horas, estará dedicada á Sustentabilidade nos Camiños de Santiago e será aí onde o presidente do Clúster Turismo de Galicia terá ocasión de charlar con Ildefonso de la Campa, director de Administración e Relacións coas Asociacións de Amigos do Camiño de Santiago, e con Begoña Abalo, Product Planner de Tee Travel.

 

Un día despois, o sábado 26, celebrarase na localidade de Noia o Foro Empuxe, que promove a Asociación de Desenvolvemento Local DELOA para elaborar, a través dun proceso de participación cidadá, a súa estratexia para o período 2023-2027. A súa intención é que os cidadáns e as entidades do territorio DELOA (Boiro, Dodro, Lousame, Muros, Noia, Outes, Padrón, A Pobra do Caramiñal, Porto do Son, Rianxo, Ribeira e Rois) contribúan ao proceso a través desta xornada de intercambio de opinións.

 

Unha das mesas redondas previstas centrarase na relación entre o turismo e o territorio e contará coa participación de Cesáreo Pardal para dar a coñecer o labor e as liñas de traballo do Clúster. Xunto a el estarán Eva Castro, directora de proxectos e operacións de Aliña ODS e vicepresidenta da Rede Internacional de Promotores dos ODS (Obxectivos de Desenvolvemento Sostible) España; Ovidio Queiruga, presidente da Comunidade de Montes de Baroña, e Carlos Rodríguez, axente de emprego e desenvolvemento local do Concello de Outes.

20 de Novembro de 2022

O Clúster pide a palabra en Sportur e no Foro Empuxe

O presidente do Clúster participará o venres 25 en Ourense nunha mesa redonda sobre a sustentabilidade nos Camiños de Santiago.   O sábado 26, Cesáreo Pardal […]
19 de Novembro de 2022

Navegación e sustentabilidade danse a man nunha nova iniciativa que comezou a súa singradura en Galicia

O municipio de Sober acolleu a firma do protocolo de creación da Rede de Cruceiros Costeiros e Fluviais dos Destinos Náuticos Sostibles de España.   A […]
18 de Novembro de 2022

O Bono Turístico #QuedamosenGalicia supuxo xa un gasto no sector de 1,1 millóns de euros

Máis da metade dos beneficiarios das case 7.000 tarxetas empregaron parte do importe e unha cuarta parte deles xa o consumiron na súa totalidade.   O […]
16 de Novembro de 2022

Cesáreo Pardal pon en valor a calidade e a sustentabilidade do turismo rural galego

O presidente do Clúster participou nun foro sobre o sector celebrado na Facultade de Ciencias Empresarias e Turismo de Ourense.   A directora de Turismo de […]
Página anteriorPágina siguiente