Clúster

• Atlas Obscura, revista en liña e empresa de viaxes con sede en Estados Unidos, cataloga 27 recunchos de Galicia dentro dos lugares máis extraordinarios, asombrosos e sorprendentes do planeta.

Esta coñecida revista estadounidense leva recollendo as achegas de toda a súa comunidade de viaxeiros e aventureiros desde 2009. Seleccionou 25,300 lugares ao redor de todo do mundo e catalogounos como os máis bonitos e extraordinarios do planeta. A súa lista , que ten forma de mapa interactivo, contén 27 recunchos que non te podes perder en Galicia:

Na Coruña, o banco máis bonito do mundo, as Fragas do Eume, as Baterías de Cabo Prior, o Parque do Pasatempo de Betanzos, os Menhires pola Paz, a Torre de Hércules, o ascensor do Monte de San Pedro, o Museo do Alemán, A Trufa, a Capela/Santuario de Santa Minia, o Banco Acústico da Alameda, A sombra do Peregrino, o Botafumeiro e os Castros de Baroña.

En Lugo, a Praia das Catedrais, O avó (Souto da Retorta), a Muralla Romana de Lugo e as ruínas do vello Portomarín.

En Ourense, Ribadavia Casa da Inquisición, a Cidade dos Muchachos, o Mosteiro de San Pedro de Rocas e a Casa das Pedriñas.

En Pontevedra, a Ermida da Toxa, a Illa de San Simón, a Batería Militar J-14, os Muíños do Folón e do Picón e Aquis Querquennis.

Catro provincias cheas de historia, tradición, gastronomía, natureza, e un valiosísímo patrimonio cultural, arquitectónico e paisaxístico, algo que nós xa sabiamos, pero que nunca nos deixará de sorprender.