Cesáreo Pardal participou na nova reunión celebrada no Porto para abordar a posibilidade de presentar unha candidatura ao POCTEP.

 

O proxecto está contemplado no Plan Director de Turismo 2021-2023 Galicia Destino Seguro.

 

Os representantes dos sectores turísticos de ambas beiras do río Miño seguen dando pasos para facer realidade o proxecto de constituír un Clúster de Turismo Transfronteirizo Galicia Norte de Portugal. Así o abordaban xa o pasado mes de maio durante a reunión que tivo lugar no Porto aproveitando a celebración do workshop organizado polo Clúster Turismo de Galicia cunha trintena de empresas galegas, e así o volveron a tratar a semana pasada nun novo encontro celebrado nesa cidade portuguesa.

 

A sede da Comisión de Coordinación e Desenvolvemento Rexional do Norte de Portugal acolleu esta nova reunión na que tomaron parte o presidente e o vicepresidente do devandito organismo, Antonio Cunha e Beraldino Piñeiro; a comisaria do Xacobeo, Cecilia Pereira; a responsable da área de Calidade e Proxectos Europeos da Axencia Turismo de Galicia, Laura González-Dopeso; unha representación de Turismo do Porto e Norte encabezada polo seu presidente, Luís Pedro Martins; o director da Agrupación Europea de Cooperación Territorial Galicia-Norte de Portugal (GNP-AECT), Nuno Almeida, o subdirector, Xosé Lago; o xerente, Alfonso Rubio, e outros representantes desa entidade, e o presidente do Clúster Turismo de Galicia, Cesáreo Pardal.

 

Todos eles mostraron a súa boa disposición a traballar conxuntamente para presentar ao Programa de Cooperación Transfronteiriza Interreg España-Portugal (POCTEP) unha candidatura para a creación deste Clúster de Turismo Transfronteirizo. De feito, o proxecto está xa contemplado no Plan Director de Turismo 2021-2023: Galicia Destino Seguro elaborado pola Xunta, o Clúster Turismo de Galicia e as tres universidades galegas.

 

Desde as empresas privadas do sector turístico hai un gran interese pola posta en marcha desta nova entidade conxunta de Galicia e o Norte Portugal posto que dispoñería da dimensión necesaria para acceder a mercados con gran potencial como Estados Unidos e Canadá.

07 de Decembro de 2022

Galicia e o Norte Portugal avanzan nos plans para crear un Clúster Transfronteirizo de Turismo

Cesáreo Pardal participou na nova reunión celebrada no Porto para abordar a posibilidade de presentar unha candidatura ao POCTEP.   O proxecto está contemplado no Plan […]
06 de Decembro de 2022

Dobre reforzo para o sector turístico na Guarda

O servizo Xacobeo Transfer suma unha nova embarcación para unir a localidade con Caminha.   Alda Hotels inaugura de forma oficial o seu novo establecemento no […]
03 de Decembro de 2022

A hostalería de Vigo súmase á plataforma #PorElClima

A Federación Provincial de Empresarios de Hostalería de Pontevedra impulsa a iniciativa desenvolvida por Ecoedes, Coca Cola e Hostalería de España.   Máis de 60 establecementos […]
02 de Decembro de 2022

Convocatoria de Asemblea Xeral Extraordinaria para a elección de novo Consello Executivo

O martes 20 de decembro Vilagarcía de Arousa acollerá a celebración da Asemblea Xeral Extraordinaria do Clúster de Turismo de Galicia (CTG) no Auditorio Municipal de […]
Página anteriorPágina siguiente