Concretarase co sector turístico os horarios de acceso co obxectivo de garantir un bo equilibrio entre a protección e goce deste espazo natural.
O Clúster de Turismo de Galicia xunto coa Asociación Galega de Empresas de Turismo Activo, Aventura e Natureza, reuníronse coa Xunta de Galicia para establecer tres quendas diarias de acceso ao arquipélago dos Guidoiros, do que forma parte o illote de Areoso.
O presidente do Clúster de Turismo, Cesáreo Pardal, e o presidente de Agetan, José Luis Fernández Vázquez, xunto coa directora xeral de Patrimonio Natural, Belén do Campo, xuntáronse para concretar co sector turístico os horarios de acceso co obxectivo de garantir un bo equilibrio entre a protección dos valores e o goce deste espazo natural.
En tempada alta o número de visitantes diarios permitidos seguirá o mesmo criterio que se aplica no acceso a outros espazos naturais: de 100 a 150 persoas ao día.
O obxectivo principal é atopar o equilibrio perfecto no interese turístico, cada vez máis crecente, e a protección dos recursos naturais da zona.