O Clúster e cinco empresas do sector participan nas presentacións e workshops que a Xunta celebra o martes e o xoves en Alemaña.

 

As accións de promoción de Galicia no estranxeiro impulsadas pola Xunta de Galicia a través da Axencia Turismo de Galicia coa colaboración do Clúster Turismo de Galicia e das empresas do sector retómanse esta semana con dúas novas visitas a un país con gran potencial para o turismo galego. Hamburgo, mañá martes, e Frankfurt, o xoves 23, son as dúas novas paradas dun programa de presentacións que visita Alemaña tras ter pasado xa nos últimos meses por países como Suíza, Italia, Portugal ou Francia.

 

O programa previsto para estas dúas xornadas inclúe a celebración de senllos  workshops nos que representantes de varias empresas galegas poderán mostrar os seus produtos e propostas a un grupo de profesionais locais. Nesta ocasión serán  ArtNatura, Circuítos Galicia, Simply Galicia, Easy Galicia e Viaxes Interrías os encargados de exercer de grandes escaparates do turismo galego en terras xermanas co acompañamento do Clúster, que estará representado por Jesús Picallo, vicepresidente da entidade.

 

En ambas as xornadas, que servirán para dar a coñecer a celebración do dobre Ano Santo Xacobeo 21-22 no que Galicia está inmersa, haberá tempo tamén para gozar da gastronomía e da cultura galegas. O cociñeiro Daniel López, responsable do restaurante ferrolán O Camiño do Inglés e integrante do Grupo Nove, poñerá os sabores a un acto institucional que será amenizado musicalmente por Xisco Feijoó. O  Curio- Haus de Hamburgo o Hotel Marriott de Frankfurt son dous espazos elixidos para estas presentacións.

20 de Xuño de 2022

Galicia promóvese esta semana en Hamburgo e Frankfurt

O Clúster e cinco empresas do sector participan nas presentacións e workshops que a Xunta celebra o martes e o xoves en Alemaña.   As accións […]
19 de Xuño de 2022

Turismo de Galicia e o Concello de Sanxenxo impulsarán o turismo sostible no municipio

O Consello da Xunta acaba de dar o visto e prace a un acordo que permitirá investir 2 millóns de euros procedentes dos Fondos Next Generation. […]
17 de Xuño de 2022

O futuro do turismo, a debate en outubro en Ourense

O presidente do Clúster participou na presentación do encontro internacional que organiza a Asociación Española de Expertos Científicos en Turismo.   Especialistas dos ámbitos académico, investigador, […]
16 de Xuño de 2022

As entidades galegas aumentan a súa presenza na Rede de Destinos Turísticos Intelixentes

A Deputación de Pontevedra forma parte da Comisión Executiva dun organismo ao que se sumaron tamén outras catro institucións galegas.   A última reunión da Comisión […]
Página anteriorPágina siguiente