Clúster

• Axencias de viaxes, hoteis e institucións concentraron o maior número de encontros.
• México, Portugal e Estados Unidos son os países que máis se interesaron polo destino Galicia.
• O Camiño de Santiago segue sendo un dos atractivos turísticos que concita maior interese, aínda que se aprecia outro perfil de cliente en liña coa demanda dun turismo máis sostible.
• Durante a feira, o Clúster presentou os resultados do diagnóstico ao sector.

As tres xornadas de Fitur 24 dedicadas exclusivamente a profesionais terminan este venres cun balance de 400 reunións no espazo de negocios, habilitado pola Xunta e a Axencia de Turismo no stand de Galicia e xestionado polo Clúster Turismo de Galicia. Más de 1.500 profesionais participaron nestes encontros na zona destinada a networking, que nesta edición ampliou o número de mesas dispoñibles para dar resposta á intensa actividade que desenvolve o sector turístico galego nesta feira.

Este ano destaca o aumento de citas e reunións solicitadas polas axencias de viaxe de receptivo galegas, que percibiron unha maior interese pola organización de eventos, grupos máis pequenos e produtos máis exclusivos.

Outro dos subsectores turísticos con máis actividade foi sector hostaleiro galego, que rexistrou un importante número de encontros con buscadores web, empresas creadoras de aplicacións e axencias de viaxes.

Na parte institucional nesta edición 2024, concellos, deputacións e mancomunidades tiveron numerosas reunións e moi diversificadas. Polo espazo de negocios do Clúster pasaron profesionais dos concellos da Coruña, Santiago, Carnota, Ferrol, Ribeira, Padrón, Viveiro, Ribadeo, A Garda e Tui. Tamén deputacións como A Coruña e Lugo e mancomunidades como a do Salnés, Ferrol Terra, A Mariña lucense, As Mariñas.

O Camiño de Santiago segue sendo un dos atractivos turísticos que concita maior interese, aínda que se aprecia outro perfil de cliente que busca vivir esta experiencia en grupos máis pequenos cun trato máis próximo e especializado, en liña coa demanda dun turismo máis sostible.

Respecto a os contactos de ámbito internacional, representantes de México, Portugal e Estados Unidos pasáronse por este espazo interesados no Destino Galicia.

Ao longo destes tres días os profesionais do sector perciben Galicia como un destino de calidade, cunha oferta diversa e sostible.