Convocou a Xunta, ás catro deputacións e a FEGAMP para o luns en Santiago

Despois das sucesivas manifestacións separadas sobre a vontade de emprender medidas coordinadas para axudar ao sector turístico e hostaleiro, o Clúster de Turismo de Galicia convocou para o luns 25 de xaneiro a Xunta de Galicia, as catro deputacións galegas e concellos (a través da Federación Galega de Municipios e Provincias – FEGAMP).

O Clúster considera urxente e esencial o diálogo entre estas Administracións públicas para que as medidas postas en marcha se adapten á situación do sector e teñan en conta, ademais da inxección económica necesaria para facer fronte aos custos fixos, as posibles accións de carácter fiscais, financeiros e relacionados co emprego.

A reunión será presencial, coa adopción de todas as medidas de prevención necesarias. Como explicou Cesáreo Pardal, presidente do Clúster, é necesario que isto sexa así “dada a importancia dos temas a tratar e de acordo coas expectativas de todas as empresas dos subsectores de turismo e hostalería”. É, engadiu, “un xesto importante no que podemos ver as nosas caras, que sen dúbida será valorado polo sector”. Neste sentido, Cesáreo Pardal lembrou que a sensación de falta de comunicación e colaboración entre as distintas administracións públicas provoca desánimo e frustración nalgunhas empresas que están ao límite do que poden soportar ”.

O Clúster decidiu tomar a iniciativa de convocar esta reunión porque, aínda que as distintas Administracións formularon propostas separadas e estableceron algunhas subvencións, non o fixeron de xeito coordinado. Lembrou que para o sector as medidas adoptadas ata o momento “foron claramente insuficientes”,

O vicepresidente primeiro da Xunta e conselleiro de Turismo, Alfonso Rueda; a conselleira de Emprego e Igualdade, María Jesús Lorenzana; o presidente da Deputación da Coruña, Valentín González; o presidente da Deputación de Lugo, José Tomé, o presidente da Deputación de Ourense, Manuel Baltar; a presidenta da Deputación de Pontevedra, Carmela Silva; e o presidente da Federación Galega de Municipios e Provincias, Alberto Varela.

Para o Clúster de Turismo de Galicia, os mecanismos de axuda son “urxentes e esenciais”, por iso pide ás Administracións “que deixen de lado as súas diferenzas, porque se trata de salvar unha industria estratéxica para Galicia”.

22 de Xaneiro de 2021

O Clúster reunirá ás Administracións arredor dunha mesa para propoñer medidas que permitan que o turismo e a hostalería sigan vivos ata que chegue a recuperación

Convocou a Xunta, ás catro deputacións e a FEGAMP para o luns en Santiago Despois das sucesivas manifestacións separadas sobre a vontade de emprender medidas coordinadas […]
14 de Xaneiro de 2021

A Xunta propón crear un fondo de cooperación para o turismo coas deputacións e os grandes concellos

O vicepresidente primeiro da Xunta e conselleiro de Turismo, Alfonso Rueda, e a conselleira de Emprego e Igualdade, María Jesús Lorenzana, anunciaron o lanzamento dun segundo […]
07 de Xaneiro de 2021

O reto actual das empresas turísticas é chegar vivas ao momento en que se restableza a confianza

O Clúster agradece aos galegos que aproveitaran para volver descubrir Galicia durante os meses de verán nos que puideron viaxar   Galicia ofrece un turismo sostible […]
04 de Xaneiro de 2021

O turismo afronta o 2021 coa esperanza de recuperarse na segunda metade e coa vista posta nas vacinas

O Clúster insiste na necesidade de axudas públicas para que as empresas poidan manterse durante os próximos meses As boas novas sobre a prórroga ata o […]