Clúster

• O Palacio de Congresos e Exposicións de Santiago acollerá un evento no que participarán máis de 220 marcas.

A quinta edición de Fairway celebrarase do 1 ao 3 de novembro no Palacio de Congresos e Exposicións de Galicia. Este evento contará coa participación de máis de 220 marcas e facilitará máis de 3.000 reunións de traballo para fomentar as rutas xacobeas. Ata 40 turoperadores nacionais e internacionais (incluíndo países como Estados Unidos, Xapón, Canadá, Italia, Bulgaria, Sudáfrica ou Arxentina) participarán no evento.

Desta quenda a temática céntrase na sustentabilidade. Fairway falará da economía circular desde diferentes perspectivas: cun espazo expositivo, debates de interese para o futuro do sector, encontros empresariais, formación práctica e casos de éxito nos que poder inspirarse.

Unha das grandes novidades desta V edición é a Feira de Emprego, que terá lugar durante o primeiro día do evento, o 1 de novembro. Deste xeito, o fórum do Camiño de Santiago incluirá un espazo de contratación centrado nos sectores da hostalaría e hostalería. Polo momento, xa son 16 as empresas que ofertarán postos laborais, destacando a demanda de recepcionistas, guías turísticos, axentes de reservas e camareiros de pisos.

Ademais disto, tamén se realizarán famtrips e presstrips cunha trintena de turoperadores e medios de comunicación co obxectivo de coñecer en primeira persoa o Camiño Portugués, o de Muxía-Fisterra e o Primitivo, comezando en Asturias.

O programa incorpora diferentes tipos de actividades que podes consultar a través da páxina oficial do fórum.