Clúster

Os retos de futuro e alternativas que teñen os hoteis independentes fose das grandes cadeas ou franquías, a innovación e o papel das novas tecnoloxías no emprendimiento hoteleiro ou a diferenciación, calidade e servizos que deben ofrecer os novos modelos hoteleiros en mercados maduros como o noso foron algúns dos aspectos que se abordaron na segunda edición do Foro Hoteleiro impulsado polo Centro Superior de Hostalaría de Galicia (CSHG) que se celebrou en Santiago. O encontro, que contou coa participación de destacados profesionais de diferentes cadeas hoteleiras, directores de hoteis ou consultorías, foi clausurado pola directora de Turismo de Galicia, Nava Castro, que destacou a importancia deste tipo de foros para continuar situando a Galicia nun mercado como o actual, tan competitivo e globalizado. Castro destacou, ademais, a importancia da calidade e a formación na súa consecución así como na incorporación das novas tecnoloxías para seguir desenvolvendo un sector que definiu como “clave” para a economía galega.
A xornada desenvolveuse a través de dúas mesas redondas que contaron coa participación de Álvaro Lens, director do Hotel Blue Coruña, Albert Grau, socio-director de Mamga Hospitality Consulting; Jesús Seseña, director de desenvolvemento de Accor Hoteis en España e Portugal e Jorge Rosillio, direcotor de Hoteis en Savills Aguirre Newman nunha primeira mesa redonda ao redor dos hoteis independentes e as franquías que estivo moderada por Casimiro Coello, director de Alimarket. A continuación. Seguiulle unha segunda mesa redonda, centrada no empredimiento hoteleiro, que estivo a cargo de Ignacio Jiménez, socio fundador de Hidden Away Hotels; Juanjo Bande, Airbnb Host e consultor en Erentalsurvey; Gonzalo da Mata, fundador e CEO de Sleep’N Hotels e Jesús Rodriguez, direcotr asociado Horwhat HTL España e Portugal, baixo a moderación do director de relacións institucionais e tecnoloxía de Segittur, Víctor Badorrey. Nesta última mesa, os relatores abordaron a irrupción do fenómeno Airbnb así como os cambios na forma de comportamento e de consumo por parte dos clientes e o papel que as novas tecnoloxías xogaron nestes cambios.