• Segundo o Informe Perspectivas Turísticas presentado por Exceltur a principios de ano, o turismo achegará o 13,4% do PIB en 2024.

 

Exceltur presentou o seu Informe Perspectivas Turísticas co balance empresarial de peche de ano e perspectivas para 2024. Neste, o turismo eríxese como principal motor de crecemento real en España en 2023 en comparación con 2022.

 

Os datos que manexa a asociación revelan que o PIB turístico xa supón o 12,8% da economía española, confirmando a consolidación do sector. Non só iso, senón que o pasado 2023 tamén supuxo un incremento na creación de emprego, con 95.224 postos de traballos máis que en 2022 (o 17% do total xerado no país). Todo isto nun escenario dun maior crecemento en ingresos (+17,9% dos estranxeiros e +22,2% dos españois respecto a 2019).

 

Os bos datos esténdense a todos os subsectores: os aloxamentos hoteleiros medraron arredor dun 20% en comparación con 2019; as axencias de viaxe, un 13%; e as compañías de transporte, un 17%.

 

Máis concretamente, o 2023 tamén foi un bo ano para o turismo galego. O presidente da Xunta de Galicia, Alfonso Rueda, avanzou durante a celebración de Fitur que o número de visitantes á comunidade ascendeu ata os sete millóns.

 

Poñendo a vista no 2024, Exceltur tamén trasladou as súas estimacións para o novo ano, revelando un novo avance do PIB turístico, que superará por primeira vez os 200.000 M€, supoñendo o 13,4% do PIB. Deste xeito, o turismo achegaría o 41,4% do crecemento real esperado da economía española.

30 de Xaneiro de 2024

Exceltur prognostica un 2024 récord para o turismo

Segundo o Informe Perspectivas Turísticas presentado por Exceltur a principios de ano, o turismo achegará o 13,4% do PIB en 2024.   Exceltur presentou o seu […]
30 de Xaneiro de 2024

UNE e Segittur presentan unha nova norma para Empresas Turísticas Intelixentes

En total xa existen 11 Normas UNE para impulsar a dixitalización dos destinos.   Durante a celebración da feira internacional de turismo, Fitur 2024, a Secretaría […]
30 de Xaneiro de 2024

Galicia asume a coordinación da marca turística ‘España Verde’

A Comunidade galega colleu o relevo do País Vasco durante a celebración da feira internacional do turismo, Fitur 2024. Galicia liderará a organización e coordinación das […]
26 de Xaneiro de 2024

O Clúster Turismo de Galicia pecha Fitur 24 con 400 reunións no seu espazo de negocios, nas que participaron 1.500 profesionais do sector

Axencias de viaxes, hoteis e institucións concentraron o maior número de encontros. México, Portugal e Estados Unidos son os países que máis se interesaron polo destino […]
Página anteriorPágina siguiente