Apoia que o obxectivo da Xunta ao regular esta tipoloxía de aloxamento é protexer aos usuarios e garantir unha actividade turística sustentable e de calidade

O Tribunal Supremo avala na súa totalidade a normativa galega que regula as vivendas de uso turístico na nosa Comunidade. Así o establece nunha sentenza na que se desestima o recurso de casación presentado pola Administración Xeral do Estado e a Comisión Nacional dos Mercados e da Competencia contra a norma galega, que pretendían a anulación de diversos preceptos da devandita norma entre os que destacaba a prohibición do aluguer por habitacións dentro da Vivenda de Uso Turístico.

Por tanto, a regulación das vivendas de uso turístico, así como dos apartamentos turísticos e das vivendas turísticas, manterase vixente a través da lei 7/2011 e do decreto 12/2017, mecanismos que están a permitir o correcto funcionamento deste mercado na nosa Comunidade, garantindo os dereitos tanto dos consumidores como da poboación local.

O fallo do Tribunal Supremo apoia, tal e como vén defendendo a Xunta, que o obxectivo desta regulación non é impor restricións, senón facilitar un desenvolvemento turístico ordenado, protexendo aos usuarios e garantindo a sustentabilidade dunha actividade de calidade. Deste xeito, avala a tese de que as vivendas de uso turístico deben alugarse pola totalidade da vivenda e non por habitacións en base ao marco normativo autonómico.

De igual maneira, mantense a posibilidade, habilitada pola Xunta de Galicia, de que os concellos establezan limitacións respecto ao número máximo de vivendas de uso turístico por edificio ou sector, concórrense circunstancias e razóns de imperioso interese xeral.

A sentenza responde o recurso de casación interposto pola Administración Xeral do Estado e a CNMC, despois de que xa en 2018 o Tribunal Superior de Xustiza de Galicia (TSXG) dese a razón en dúas ocasións á Xunta e avalase integramente a súa normativa.

08 de Xuño de 2020

O Tribunal Supremo ratifica a regulación das vivendas de uso turístico impulsada pola Xunta

Apoia que o obxectivo da Xunta ao regular esta tipoloxía de aloxamento é protexer aos usuarios e garantir unha actividade turística sustentable e de calidade O […]
05 de Xuño de 2020

Galicia en fase 3: a xestión da desescalada pasa ás comunidades autónomas

De avanzar a esta nova fase a partir do 8 de xuño, os galegos poderían comezar a mobilidade interprovincial, aínda que non entre comunidades autónomas, unha […]
04 de Xuño de 2020

A OMT presenta as súas directrices globais para reabrir o turismo

O organismo das Nacións Unidas traballará en estreita colaboración con Google para promover a aprendizaxe dixital e a formación online Lograr que as viaxes sexan seguros […]
03 de Xuño de 2020

A Xunta destina 6 millóns para a instalación de medidas de protección para traballadores e clientes no sector turístico

A medida enmárcase no conxunto dos 16 millóns de euros aprobados no último consello da Xunta para o apoio de autónomos e pemes do comercio, os […]