[:gl]Novas[:es]Noticias[:en]News[:]

• Bodegas Corisca, Turismo Rural O Vilar, Hotel Alfonso I, Lugar das Marías, Alojamiento Albatros, Hotel Vila do Val, Hotel Camino do Eume, Finca Goleta, Casa Lourán, Casa do Mudo, Casa do Morcego, Bodega Mar de Frades, A Lume Manso, Apartamentos O Plantío, Semáforo de Bares, O Castaño Dormilón e Hotel A Miranda son as novas empresas que xa forman parte desta marca turística.
• Esta iniciativa conta xa con máis de 140 experiencias e máis de 100 empresas adheridas, e segue aberta a recibir novos membros.

Nova semana de incorporacións á marca turística ‘Galicia Destino Sostible’. Durante a reunión do comité de avaliación deste luns, 10 de xuño, aprobáronse as solicitudes realizadas polos representantes responsables das empresas Bodegas Corisca, Turismo Rural O Vilar, Hotel Alfonso I, Lugar das Marías, Alojamiento Albatros, Hotel Vila do Val, Hotel Camino do Eume, Finca Goleta, Casa Lourán, Casa do Mudo, Casa do Morcego, Bodega Mar de Frades, A Lume Manso, Apartamentos O Plantío, Semáforo de Bares, O Castaño Dormilón e Hotel A Miranda.

Estas entidades súmanse a un grupo do que forman parte os sectores das axencias de viaxe, restauración, aloxamento e a oferta turística complementaria. Agora, o club ofrece máis de 140 experiencias que proveñen de máis de 100 empresas diferentes.

O Club de Produto Galicia Destino Sostible, unha iniciativa impulsada polo Clúster Turismo de Galicia co apoio da Xunta de Galicia no 2022, ten como obxectivo principal resaltar e integrar a oferta turística galega que promove o desenvolvemento sostible do destino, buscando situarse como referente tanto a nivel nacional como internacional. Este club de produto turístico abarca diversas facetas da oferta galega, promovendo o respecto ao medio ambiente, á cultura e á sociedade.

A través da súa plataforma en liña, galiciadestinosostible.com, o club serve de punto de encontro entre os turistas e as empresas, facilitando o acceso á ampla oferta turística sostible de Galicia. Dende rutas en camper, en barco, en bicicleta ou a pé, ata paquetes turísticos que ofrecen aventura, deporte, gastronomía, enocultura e aloxamento, o portal conta cunha variedade de opcións para todos os gustos e preferencias.

Adhesión

Para adherirse a ‘Galicia Destino Sostible’ as empresas teñen que cumprir a lo menos un requisito habilitante (certificación de sostibilidade; Fair´n Green; Estrela Verde da Guía MICHELIN; pertenza ao proxecto Turismo Slow Norte de Galicia, ou ao Club de produto Ecoturismo de España ou una certificación ambiental: ISO 14000, EMAS, etc.) ou ben o 100% dos obrigatorios e un 33% dos valorables.

A adhesión pode solicitarse a través da web galiciadestinosostible.com. Unha vez que o comité asesor acepte a adhesión, a empresa xestionará as súas ofertas desde o portal e gozará das vantaxes de pertencer ao club de produto de xeito gratuíto.

O club de produto ‘Galicia Destino Sostible’ facturou en 2023 máis dun millón de dólares, grazas a unha campaña centrada no mercado estadounidense. A iniciativa, froito da colaboración entre o Clúster de Turismo, a Xunta e Expedia, foi unha das medidas do Plan de Acción do Club para potenciar a marca.