[:gl]Novas[:es]Noticias[:en]News[:]

Do 16 de setembro ao 18 de decembro, esta promoción que chega á súa décima edición, volverá promocionar a oferta turística rural a través de menús, paquetes turísticos e estancias de fin de semana

A X edición do Outono Gastronómico volve ás casas de turismo rural galegas neste último cuadrimestre do ano. E faio para ofrecer, desde o 16 de setembro ao 18 de decembro de 2016, unha completa oferta de menús, paquetes turísticos e estancias de fin de semana nalgunha das 92 casas de turismo rural participantes, pertencentes á Federación Galega de Turismo Rural, (FEGATUR), a Asociación Galega de Turismo Rural, (AGATUR) e Asociación de Turismo Rural Cariño. Dos 92 establecementos rurais participantes 19 son da provincia da Coruña, 24, da de Lugo; 23, da de Ourense; e 26, da de Pontevedra.

Ccreado por Turismo de Galicia en colaboración coa rede de establecementos de Turismo Rural de Galicia, o obxectivo do Outono Gastronómico en contribuír a dinamizar o turismo rural nesta época do ano, ofertando actividades complementarias encamiñadas a contribuír á desestacionalización do turismo.

Como novidade este ano incorporouse un autobús vintage que viaxará polo sete cidades galegas e por Vilagarcía de Arousa para promocionar o programa. Trátase dun vehículo histórico dos anos 50 que servirá como punto de información da campaña e será ademais un expositor orixinal da historia desta promoción. Este ano tamén se editarán guías informativas -nos idiomas galego e castelán- que se pon a disposición do público nos propios establecementos de turismo rural, oficinas de turismo, campos de golf e outros espazos públicos. Ademais, o programa tamén se promoverá a través das redes sociais e promoverase un concurso en Facebook no que Turismo de Galicia obsequiará aos gañadores con varios Fins de semana outono gastronómico para dúas persoas, en colaboración con diferentes medios de comunicación e centros comerciais que tamén ofrecen este agasallo entre os seus usuarios.

Dous menús diferentes
Cada unha das casas participantes ofrece dous menús diferentes, exclusivamente concibidos para a ocasión. Tamén se ofrece a posibilidade de adquirir o Paquete outono gastronómico que permite degustar o Menú outono gastronómico e durmir na casa de turismo rural elixida, incluíndo os almorzos do día seguinte. Esta modalidade ofrece un menú por persoa máis aloxamento e almorzo nunha nunha das casas de turismo rural participantes na promoción -noite de venres ou sábado a escoller-.

Outra das posibilidades que se recolle na promoción é gozar do Fin de semana Outono Gastronómico, que inclúe dous menús por persoa máis o aloxamento -noite de venres e sábado-. Quérese compartir coa familia un fin de semana dentro deste programa turístico, existe o Fin de semana familiar outono gastronómico que inclúe ofertas para un e dous nenos até 14 anos. O éxito obtido nas edicións anteriores consolida este programa como unha proposta ben contrastada e demandada polo público e polas casas rurais de Galicia

06 de Setembro de 2016

Volve o Outono Gastronómico a 92 casas de turismo rural de Galicia

Do 16 de setembro ao 18 de decembro, esta promoción que chega á súa décima edición, volverá promocionar a oferta turística rural a través de menús, […]
06 de Setembro de 2016

A oferta turística galega estará presente en catro feiras sectoriais no mes de setembro

Unibike, en Madrid, JATA en Xapón, Gran Pavois en Francia e Termatalia en México serán as citas nas que estará presente o sector a través de […]
05 de Setembro de 2016

Expourense asina un convenio de colaboración co Servizo de Nacional de Aprendizaxe de Colombia do que se beneficiará Termatalia e Xantar

Expourense asinou un convenio de colaboración e asesoramento en Colombia coa institución encargada da formación profesional a nivel estatal, o Servizo Nacional de Aprendizaxe (SENA) en […]
01 de Setembro de 2016

Verán de marca para o sector turístico galego que rompe teito con 700 mil viaxeiros en xullo

A falla de pechar os datos de agosto, Galicia superou os 5 millóns de pasas a noite no acumulado do ano, 1,7 millóns só neste mes […]
Página anterior
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582583584585586587588589590591592593594595596597598599600601602603604605606607608609610611612613614615616617618619
Página siguiente