[:gl]Novas[:es]Noticias[:en]News[:]

 Vigo e A Coruña melloran cifras fronte a Lavacolla, que descende un 2% até os 276,776

Agosto tamén marcou boas cifras para o conxunto dos aeroportos galegos, cun incremento do 5% no número de pasaxeiros que pasaron ao longo do mes por algún do tres aeroportos galegos, 471.683 en total. Peinador liderou o crecemento das terminais galegas, 102.230 pasaxeiros en agosto, o que supón un incremento interanual dun 33% . Máis de 90.000 pasaxeiros realizaron traxectos nacionais, mentres que case 12.000 foron internacionais. Respecto de Alvedro o crecemento foi do 3,4%, 92.000 pasaxeiros, destes, máis de 80.000 foron nacionais, segundo os datos recolleitos por AENA. A outra cara é a que rexistra Lavacolla, que a pesar de marcar o maior número de viaxeiros, 276.776, descendeu un 2% respecto ao mesmo período do ano pasado.

No acumulado do ano, os mellores resultados volven ser para o aeroporto de Vigo, con 644.667 viaxeiros, o que significa un 37,5% máis que o rexistrado entre xaneiro e agosto de 2015. En Santiago houbo 1.697.950 viaxeiros (+10,5%) e A Coruña tivo 696.190 pasaxeiros (+2,6%). No conxunto do tres terminais galegas, Galicia rexistrou neste oito primeiros meses do ano un total de 3.389.387, cifra que supuxo un crecemento do 26,3% no número de viaxeiros neste período.
Segundo os datos, rexístrase un incremento no tres terminais no número de operacións. A cifra máis alta tena Vigo, con 1.291 voos que se traduce nun aumento do 39,9%. A Coruña, con 1.561 voos aumenta un 31,2%, e Santiago un 0,8% como resultado dos seus 2.373 voos.