[:gl]Novas[:es]Noticias[:en]News[:]

A entidade xa está na fase de licitación e posta en marcha das propostas, que foron aprobadas na pasada Asemblea Xeral

No marco das actuciones aprobadas pola Asemblea Xeral para a súa execución neste exercicio, o Clúster Turismo de Galicia tamén levará a cabo un total de cinco proxectos de promoción, comercialización e desenvolvemento turístico de destino, a partir das propostas que os asociados fixeron na convocatoria anual do Concurso de Ideas. Os proxectos serán executados antes de finais de novembro deste ano por un importe de 130.000 €.

A maior parte dos proxectos aprobados atópanse entre os que xa están activos desde hai varios anos como Galicia MICE, Galicia Destino Activo , Galicia Destino Familiar ou o impulso da marca Enoturismo Galicia, mentres que un é de nova creación, “Un descanso nos Camiños”, que vinculará o termalismo e o Camiño de Santiago. En todos eles proponse accións diferentes, segundo as necesidades e o punto de desenvolvemento do produto ou a marca turística.

Así, no caso de Enoturismo de Galicia, impulsado polo cinco rutas do viño galegas, a proposta deste ano é o desenvolvemento dun workshop en Madrid para a presentación deste produto turístico e o desenvolvemento de networking con empresas especializadas para a mellora da súa comercialización.

MICE Galicia, pola súa banda, organizará unha viaxe de familiarización internacional con 8-10 empresas da contorna internacional, tendo en conta os principais países emisores, e un acto networking cos axentes do sector MICE de Galicia. A iniciativa estará impulsada pola Asociación Palacios e Congresos de Exposicións de Galicia, Asehospo, Hospeco, AGAFE e OPC Galicia.

Galicia Destino Activo propón para este ano continuar o proceso de creación e consolidación de produto baixo a marca Galicia Destino Activo, avanzando na comercialización dos produtos de turismo activo creados en 2018 e a creación de novos produtos, coa colaboración das empresas de turismo activo, aloxamentos, restauración e axencias de viaxe, baixo o auspicio de AGETAN, CN Travel, Agavi e Asociación para ou Desenvolvemento do Turismo de Calidade na Comarca de Ortegal.

Nesta mesma liña avanzará a outra marca creada por asociados e CTG, Galicia Destino Familiar, que continuará o proceso de consolidación do produto turístico orientado a turismo familiar, involucrando a toda a cadea de valor turística de Galicia, ampliando o grao de coñecemento desta marca entre o público final e facendo unha presentación tamén na capital española, segundo a proposta impulsada polos seus promotores: Agalber, CETS, Hotel Baía, Fegatur e Feprohos.

Finalmente o proxecto novo deste ano, Un descanso nos Camiños, impulsado por Caldaria, Federación Provincial de Hostalaría de Ourense, Expourense e Balnearios de Galicia, propón o desenvolvemento de actividades de comercialización de programas de estancias en Balnearios situados no percorrido dos diferentes Camiños de Santiago, a través da creación do produto, a realización de material promocional e comunicación e un workshop co fin de atraer novas canles de comercialización. Tamén se organizará unha viaxe de familiarización para dar a coñecer este novo produto turístico, moi orientado ao Camiño de Santiago.

Todos os proxectos recibiron o mesmo importe de financiamento, 26 mil euro por cada un dos proxectos aprobados, que se terán que desenvolver nos próximos meses. O obxectivo, tal e como explicaba o presidente do Clúster Turismo de Galicia, Cesáreo Pardal, é seguir avanzando na creación de produtos turísticos diferenciados e de calidade, así como articular propostas que permitan ao sector traballar de forma coordinada, articulando propostas conxuntas que teñen unha mellor comercialización para a turoperación nacional e internacional. “Só desde o traballo conxunto, profesional e que dá resposta ás necesidades do viaxeiro poderemos ofrecer propostas competitividade e rendibles que garantan un sector turístico de futuro”.

03 de Xullo de 2019

O Clúster Turismo de Galicia impulsará cos seus asociados 5 proxectos de promoción de destino por valor de máis de 130 mil euros

A entidade xa está na fase de licitación e posta en marcha das propostas, que foron aprobadas na pasada Asemblea Xeral No marco das actuciones aprobadas […]
02 de Xullo de 2019

O 82% das vivendas de uso turístico en Galicia son dun único propietario que comercializa só un inmoble

A Consellería de Cultura e Turismo fixo balance da evolución desta tipoloxía de aloxamentos en Galicia desde a súa regulación A Xunta constata que se trata […]
01 de Xullo de 2019

O sector turístico galego avanza boas previsións para a tempada estival que poderían situarse en torno ao 60% de ocupación media

Os profesionais do sector móstranse cautos ao adiantar cifras de ocupación, como consecuencia do cambio nas paradigmas de contratación dos viaxeiros aínda que agardan un verán […]
28 de Xuño de 2019

O Clúster de Turismo de Galicia aproba por vez primeira cotas de socio e un orzamento anual de case 950 mil euros

Ademais de dar conta da memoria de actuacións do ano pasado, o máximo órgano do CTG ratificou a incorporación de oito novos membros O Clúster Turismo […]
Página anterior
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582583584585586587588589590591592593594595596597598599600601602603604605606607608609610611612613614615616617618619
Página siguiente