Clúster

Co obxectivo de mellorar a oferta turística e comercial da comarca do Barbanza, a Federación de Empresarios do Barbanza en colaboración coa Deputación Provincial da Coruña, o Clúster Turismo de Galicia e a Fundación ABANCA pon en marcha neste mes de abril un plan formativo destinos a profesionais, traballadores autónomos e pemes do sector turístico e comercial dentro da área de influencia da comarca.

O plan de formación estenderase entre o 5 e o 28 de abril e virará ao redor de tres bloques temáticos: liderado e dirección de empresas, excelencia no servizo ao cliente e uso de redes sociais. A FEB busca con esta formacióncontribuir á profesionalización do sector, facilitándolle novas ferramentas e estratexias aos empresarios e profesionais que lles permitan contribuír ao crecemento do seu negocio e do tecido industrial turístico galego. O plan de formación é froito dun convenio de colaboración entre a FEB e a Deputación Provincial por un importante de 37,500 euros destianados á execución das accións formativas, que se desenvolverán en Padrón, Noia, Riveira, Boiro, Mazaricos e Pobra do Caramiñal.

Aquelas persoas interesadas en anotarse nalgunhas das formacións poden solicitar máis información na Federación de Empresarios do Barbanza, no seu correo correo@feba.es ou no teléfono 981 84 82 16.