• O obxectivo é mellorar e ampliar os servizos aos visitantes mentres se fomenta o emprego turístico, buscando un impacto positivo na economía local.

O pasado martes, 16 de abril, o Documento Oficial de Galicia (DOG) publicaba as bases reguladoras para a concesión das subvencións a proxectos tractores da enogastronomía de Galicia, no marco del Plan Territorial de Enogastronomía de Galicia, posto en marcha pola Axencia Turismo de Galicia con fondos Next Generation.

 

Esta nova liña de axudas, dotada de 2,5 M€, fomenta a creación de novos establecementos turísticos de aloxamento e restauración para mellorar e ampliar os servizos aos visitantes, mentres se fomenta o emprego turístico e se busca un impacto positivo na economía local.

 

O orzamento divídese en catro liñas de actuación subvencionables: a liña 1, creación de infraestruturas de aloxamento e restauración con criterios de sustentabilidade e eficiencia enerxética, cun orzamento de 1.568.000 €; a liña 2, sistemas de enerxías renovables e economía circular, cun orzamento de 400.000 €; a liña 3, proxectos dixitais vinculados á enogastronomía e á sustentabilidade turística, cun orzamento de 150.000 €, e a liña 4, experiencias enogastronómicas, cun orzamento de 382.000 €. Os proxectos achegados deberán ascender a un mínimo de 200.000 € de investimento para o conxunto das catro liñas de subvencionabilidade

 

Poden ser beneficiaras as pequenas, medianas e grandes empresas que proxecten levar a cabo un investimento para crear un novo establecemento turístico en Galicia: desde pensións ata establecementos de turismo rural, albergues, cámpings, restaurantes, cafetarías ou bares, entre outras.

 

Deben ser proxectos tractores a longo prazo, contribuíndo á transición verde, á creación de emprego, á sostibilidade turística do destino, e á posta en valor da enogastronomía de Galicia. Ademais, deberá ir aparellado da posta en marcha de experiencias enogastronómicas como visitas en orixe que poñan en valor o proceso de creación da materia prima, o seu coidado, recolección, procesado, elaboración; así como experiencias interactivas de cociña ou showcooking, degustacións e catas.

 

As empresas interesadas poden presentar as súas solicitudes ata o 16 de agosto ás 23:59 horas, a través da sede electrónica da Xunta de Galicia, código de procedemento TU503J. As axudas preséntanse por concorrencia simple, de forma que se atenden as peticións que cumpren os criterios por orde de chegada. As empresas deberán contar entre os seus produtos principais con, polo menos, un produto que conte con Denominación de Orixe Protexida de Galicia, Indicación Xeográfica Protexida de Galicia, a certificación Viños da Terra, ou que dispoñan do selo de destino Galicia Calidade. Ademais disto, tamén terán que cumprir con dúas das seguintes condicións: creación dun mínimo de cinco postos de traballo directos, creación de vínculos con axentes públicos e privados do territorio ou outros sectores de actividade e contribución á sustentabilidade turística, con novas fórmulas de xestión (uso de produtos de proximidade ou ecolóxicos, implantación de fórmulas de reciclaxe…) ou con programas de actividades ou sensibilización medioambiental.

 

Axudas para fomentar o turismo enogastronómico

 

Co obxectivo de fomentar o turismo enogastronómico, a Xunta de Galicia xa lanzou a comezos de ano unha convocatoria con tres liñas de axudas diferentes, e cuxo prazo de presentación de solicitudes finaliza o 19 de xuño ás 23:59 horas.

23 de Abril de 2024

A Xunta de Galicia lanza unha nova convocatoria de axudas para a creación de novos establecementos turísticos de aloxamento e restauración como proxectos tractores

O obxectivo é mellorar e ampliar os servizos aos visitantes mentres se fomenta o emprego turístico, buscando un impacto positivo na economía local. O pasado martes, […]
26 de Marzo de 2024

14 bolsas de formación convocadas nas oficinas de información turística

Turismo de Galicia destina 90.000 euros para realizar as prácticas. Bolsas de ata 6 meses nas oficinas situadas na Coruña, Lugo, Ourense, Pontevedra, Vigo e Santiago […]
11 de Marzo de 2024

Turismo de Galicia lanza un programa formativo en liña sobre o futuro da IA no sector turístico

A formación, de carácter gratuíto, desenvolverase desde o 13 de marzo ata o 29 de abril. Dirixido a directivos, emprendedores e propietarios de empresas turísticas. As […]
05 de Marzo de 2024

Máis de 1 M€ para melloras na eficiencia enerxética na rede pública de albergues do Camiño de Santiago

A Xunta impulsa estas actuacións que inclúen traballos de instalación de placas fotovoltaicas en 34 albergues. Tamén se realizarán melloras no illamento exterior, reparación e substitución […]