Clúster

A cuarta edición do programa de Turismo de Galicia, “Galicia a Todo Tren”, acadou xa o milleiro de usuarios no conxunto do nove itinerarios que conforman esta iniciativa turística promovido en colaboración con Renfe e o Inorde.
O pasaxeiro que alcanzou esa cifra simbólica foi un usuario do Tren Turístico que percorre a Ruta do Viño Ribeira Sacra, que recibiu un distintivo que acredita esta condición da man da directora de Turismo de Galicia, Nava Castro. Castro destacou que esta cifra demostra a boa acollida que ten o programa, que é un exemplo de creación de sinerxías entre diferentes entidades para un mellor aproveitamento turístico do territorio

Nava Castro explicou que os trens turísticos de Galicia están a consolidarse como un dos produtos turísticos máis demandados deste verán desde que no mes de xuño empezou a funcionar este servizo turístico con ocupacións en todos os trens que están entre o 90% e o 100%. Galicia.

Neste sentido, a directora de Turismo de Galicia sinalou que de seguir así, superaríanse os datos alcanzados pola campaña do pasado verán na que se obtivo unha ocupación do 87%, superando os 2.200 pasaxeiros, fronte aos 600 da primeira edición.

“Esperamos que, tanto esta Ruta da Ribeira Sacra como o resto das rutas temáticas que constitúen o programa, continúen con este éxito nos seus próximos percorridos que están dispoñibles os fins de semana de agosto e setembro”, concluíu Nava Castro.