Desde hoxe e ata o 26 de maio participa xunto con cinco empresas galegas nun Roadshow organizado por Turespaña que percorrerá Roma, Catania, Bolonia e Milán.

 

No marco da campaña de internacionalización do destino Galicia, o Clúster Turismo de Galicia participa esta semana no Roadshow por Italia organizado por Turespaña. Abrir novas oportunidades de negocio e incrementar a visibilidade de Galicia como destino turístico son os obxectivos do Clúster, Turismo de Galicia e as cinco empresas da delegación galega que participan nesta iniciativa: ArtNatura Galicia, Circuitos Galicia, Galiwonders, Interrías y Tee Travel.

 

O RoadShow comeza hoxe en Roma e continuará por Catania, Bolonia e Milán. En cada unha destas cidades as preto de 50 empresas españolas que participan na iniciativa poderán expoñer os seus produtos e servizos turísticos culturais, gastronómicos ou premium a compradores italianos.

 

Ademais das cinco empresas galegas que estarán presencialmente nos diferentes worshops,  outras 19 axencias de viaxe estarán tamén presentes no encontro grazas a un catálogo elaborado polo Clúster Turismo de Galicia que resume os seus servizos principais.

 

Estas xornadas buscan reactivar e incrementar a comercialización do turismo español nun dos principais mercados emisores europeos antes da pandemia e posicionarse nel como un destino turístico de calidade, seguro e sustentable.

 

Aposta pola internacionalización

O sector turístico galego retoma con forza os seus obxectivos para incrementar a súa competitividade e seguir apostando pola internacionalización. Esta é unha das 15 actuacións de internacionalización xa pechadas para este 2022, ben impulsadas polo Clúster ou en colaboración coas administracións públicas, en 8 países distintos nos que participarán polo menos 120 empresas. Estas actuacións abren a porta ao establecemento de novos  lazos con outros territorios e a novas oportunidades de negocio.

23 de Maio de 2022

Italia, nova parada do Clúster na campaña de internacionalización do destino Galicia

Desde hoxe e ata o 26 de maio participa xunto con cinco empresas galegas nun Roadshow organizado por Turespaña que percorrerá Roma, Catania, Bolonia e Milán. […]
19 de Maio de 2022

O Clúster continúa no Porto a campaña de internacionalización do Destino Galicia

Unha trintena de empresas galegas participaron nun workshop con emisores portugueses para expoñer a variada oferta turística da nosa Comunidade.   O chef galego Iván Domínguez […]
09 de Maio de 2022

O enoturismo volve brillar coas Xornadas de Portas Abertas das Rutas dos Viños de Galicia

As cinco denominacións de orixe participan nesta iniciativa que incluirá visitas guiadas ás adegas e numerosas actividades paralelas, e que se iniciará a fin de semana […]
01 de Abril de 2022

Galicia abriu novas oportunidades no mercado turístico estadounidense

O Clúster Turismo de Galicia e as empresas Tee Travel e Interrías participaron no Spain Tourism Summit celebrado en Miami.   Abrir novas oportunidades de negocio […]