Clúster

A Deputación de Pontevedra ven de por en marcha unha nova ruta para coñecer o patrimonio histórico das Rías Baixas e desestacionalizar o turismo: a ruta de Pedro Madruga, unha iniciativa enmarcada dentro do eixo de promoción do Destino Rías Baixas “Somos historias” para dar a coñecer que a provincia de Pontevedra permite vivir moitas historias, neste caso, relacionadas co “patrimonio fortificado”.

A ruta percorre fortificaciones e os seus restos dos municipios de Soutomaior (O Castelo), que volverá abrir as súas portas despois das remodelacións o 11 de maio: Crecente (Torre de Fornelos), Mondariz (Castelo de Sobroso), Salvaterra de Miño (O Castelo), Tui (A zona vella), Baiona (A Fortaleza de Monte Boi), Vigo (A zona vella), Sanxenxo (A Torre da Lanzada) e Cambados (Torre de San Sadurniño), todos eles visitables e con acceso durante os 365 días do ano, nos que Pedro Madruga e a familia Sotomayor deixaron a súa pegada.

A nova ruta de Pedro Madruga formará parte das campañas de promoción turística da Deputación de Pontevedra, distribuíndose folletos a través das oficinas de turismo así como un vídeo divulgativo, que tamén estará dispoñible nas webs institucionais e redes sociais, con todas as fortificaciones que integran a ruta.