Clúster

A marca de referencia de Turismo Activo de Galicia estivo presente no Salón do Deporte e Turismo Activo que se celebrou en Ourense

Con motivo da celebración de Sportur Galicia en Expourense, Cesáreo Gómez Pardal, presidente do Clúster de Turismo de Galicia, presentou as accións levadas a cabo co obxectivo situar Galicia como Destino de Turismo Activo mediante a marca Galicia Destino Activo. Neste acto tamén participaron Agustín Rico, presidente de AGETAN e Vincent Boyer, representando a Caldaria que xunto con CN Travel e AGAVI conforman o grupo promotor desta marca. Así tamén, Jacobo Suárez acudiu en calidade de secretaría técnica de Galicia Destino Activo.

No presente exercicio executáronse diversas accións enfocadas á creación de produto de turismo activo, a promoción e a comercialización. Para iso desenvolvéronse actividades enfocadas á creación de sinerxías no tecido empresarial galego buscando o aumento da competitividade e o aproveitamento de recursos para alcanzar unha maior proxección. Así, durante a 2018, Galicia Destino Activo puxo en marcha acciones en tres liñas de actuación: a de creación de produto; a de promoción dixital da marca así como campaña de comunicación para a mellora da comercialización. As accións de Galicia Destino Activo completáronse con actuacións dirixidas á estimulación das canles de comercialización e distribución desta oferta, mellora da web e campañas en redes sociais, entre outras.
Ademais, a partir da creación de relacións empresariais xurdiron grupos de traballo que propiciaron o establecemento de 11 novos produtos de turismo activo que foron dotados de contido de vídeo, fotografía e texto que permiten polos a disposición de empresas de intermediación e do público xeral coidando a xestión de expectativas para a satisfacción do cliente.

Galicia Destino Activo é a marca de referencia de promoción do turismo activo de Galicia, que naceu en 2015 a partir do concurso de ideas do Clúster de Turismo de Galicia e que desde ese momento está a activar a promoción desta disciplina en mercados exteriores a través da creación de sinerxías no sector empresarial galego.