[:gl]Novas[:es]Noticias[:en]News[:]

Segundo recollen as estatísticas do INE a ocupación media na comunidade por prazas hoteleiras superou o 50%

Segundo os datos feitos públicos polo INE no seu informe Conxuntura Turística Hostaleira correspondente ao mes de xullo, Galicia incrementou a porcentaxe de viaxeiros e pernoctaciones neste mes respecto ao mesmo período do ano pasado nun 5,1% no caso dos viaxeiros, até alcanzar a cifra de 590.465 e 1.222.383 pernoctaciones, que marcan un incremento do 12,2%. No conxunto de España tamén se volveu a incrementar a cifra de viaxeiros e pernoctaciones no mes de xullo cun 7,4% máis de viaxeiros e 42,8 millóns de pernoctaciones. No conxunto deste sete primeiros meses do ano, Galicia recibiu 2,28 millóns de viaxeiros.

Este incremento no número de viaxeiros e pernoctaciones veu acompañado tamén dun repunte do 5% nos prezos hostaleiros neste mes de xullo, cunha taxa de variación interanual que se sitúa no 5,02%, tan só dous puntos por baixo da taxa media nacional.

Facturación hotelera

Este incremento permitirá seguir mellorando a rendibilidade do sector, xa que a facturación media dos hoteis galegos por habitación ocupada (ADR) é de 59,07 euros, moi lonxe aínda dos 93,2 euros de media nacional. Pola súa banda o ingreso medios por habitación dispoñible (RevPAR), que está condicionado pola ocupación rexistrada nos establecementos hostaleiros, alcanza os 69,6 euros, cun incremento do 13,3% a nivel nacional. En Galicia este dato mellorou en xullo deste ano, hast alcanzar os 31,67 euros, un 8,3% máis que no mesmo período do ano pasado, pero lonxe aínda das cifras nacionais, que marcan ingresos medios de case o dobre.

Outro dos datos que tamén mellorou é o de ocupación por prazas, que alcanza o 51,72% no conxunto dos establecementos galegos fronte ao 46,6% do mesmo período do ano pasado, así como o de estancia media que se incrementou até alcanzar os 2,07 días.