[:gl]Novas[:es]Noticias[:en]News[:]

Dentro da iniciativa O Teu Xacobeo, impulsada desde a Xunta de Galicia, a Asociación Provincial de Empresarios de Hostalaría e Turismo de Lugo (Apehl) pon en marcha o Congreso …E para comer, Lugo no Camiño, que se centrará na cultura gastronómica dos Camiños de Santiago ao seu paso pola provincia de Lugo. O encontro terá lugar no Museo Interactivo da Historia de Lugo (MIHL) o próximo 8 de febreiro

O programa contará con actividades como demostración e degustación de cafés: O café, a enerxía do Peregrino, a cargo de José Manuel Portela, de Candelas, un relatorio a cargo David de Jorge, de Robin Food, taller de catas de viño, impartido por Xoan Cannas do Instituto Galego do Viño así como demostracións e elaboracións de receitas do Camiño a 8 mans, a cargo de cociñeiros lucenses dos distintos Camiños ou unha mesa debate sobre a cultura gastronómica no Camiño de Santiago e a súa influencia no turismo. En paralelo á celebración do Congreso realizarase un obradoiro de cociña para nenos.

Como introdución ao Congreso, terán lugar as Xornadas E para comer, Lugo no Camiño nas que todos os establecementos asociados que queiran poderán realizar pratos, tapas e racións con receitas tradicionais da nosa gastronomía relacionadas co Camiño, como bertóns recheos, caldo galego, sopa de cabaza, caldo de castañas, empanadas, polbo, lamprea, lacón con grelos, filloas.. Recibirán o nome específico de Menú E para comer, Lugo no Camiño, Tapa E para comer, Lugo no Camiño ou Ración E para comer, Lugo no Camiño.

Para máis información contacta coa Asociación no 982 22 69 12..