Clúster

A falta de coñecer os datos de establecementos extrahoteleros para pechar o 2019, a nosa Comunidade foi onde máis creceu o turismo no ano 2019, un 6%

O responsable do Goberno galego, Alberto Núñez Feijóo, adiantou hoxe, na rolda de prensa do Consello, os datos turísticos rexistrados na nosa Comunidade o pasado ano. Son os mellores da nosa historia, dixo, con “marca de pernoctaciones”, preto de 11 millóns e case 5,1 millóns de turistas.

Galicia é tamén a Comunidade onde máis creceu o turismo en 2019. En concreto, un 6%, moi por encima do 1% de crecemento estatal. Ao fío disto, Feijóo subliñou que estes datos acreditan que Galicia é cada vez máis competitiva grazas á aposta decida pola calidade e a estreita colaboración establecida co sector.

Neste sentido, Feijóo felicitou por estes resultados ao sector turístico que veñen demostrar que se está mellorando a competitividade do sector. De feito Galicia aumentou sete puntos a súa rendibilidade, moi por encima da media nacional, situada en torno ao 3.2%.

Por último, o presidente da Xunta remarcou o obxectivo de chegar cos mellores datos e a mellor imaxe posible de Galicia ao Xacobeo 2021, coa confianza de que será o mellor Xacobeo da nosa historia na mellor Galicia da nosa historia.