Clúster

Faros reutilizados, excursións educativas pola ría e deseños abertos ao mar son as suxestións sostibles destes hoteis costeiros.

O mar en Galicia representa o 50% da frota pesqueira en toda España, e máis aló do nivel económico supón un estilo de vida para a comunidade galega, unha esencia, e á súa vez un atractivo turístico nas súas costas. Por iso é un dos principais recursos a protexer e coidar, estes aloxamentos teñen especial vinculación co mar cun enfoque sostible.

En Bluscus, operador turístico especializado en turismo mariñeiro, mostran experiencias por toda a costa galega: rutas en barco, xornadas de pesca e excursións sobre o marisqueo e o cultivo. Todo isto orientado a poñer en valor o mar e a xente que traballa nel, xerando conciencia ambiental. A través das súas rutas guiadas forxan unha idea de turismo respectuoso, educando aos seus participantes no respecto pola contorna marítima, para preservalo e velar polo seu coidado.

Dar unha nova vida a edificacións é unha gran forma de reutilizar e conservar en termos arquitectónicos. En O Semáforo de Fisterra transformou o antigo faro de Fisterra nun hotel con encanto e cunha gran localización, integrado na costa e a primeira liña de mar. Esta forma de adecuar un edifico que xa cumpriu o seu uso inicial nun novo complexo, o que se denomina reciclaxe de edificios, supón un gran beneficio para o medio ambiente ademais dunha divertida forma de hospedarse.

O hotel ecosostible Bela Fisterra, toda unha homenaxe ao mar a través da literatura e a arte, ten un deseño aberto á costa e á natureza. A súa relación co mar vincúlase a través do uso das súas augas: reutilizan as augas pluviais para a rega e empregan auga de km 0 (auga de proximidade para evitar transportes). Este aloxamento con conciencia ecolóxica a pé de praia, desenvolve políticas de compensación de emisións de CO2, ademais do uso de placas fotovoltaicas e xardíns de vexetación autóctona.