• As entidades turísticas interesadas só terán que poñer un espazo adecuado ao dispor da empresa, que asumirá todos os custos de investimento e mantemento da estación.
  • Ademais, as empresas participarán do éxito baixo un modelo de ingresos compartidos.

Facilitar a adaptación do sector turístico galego ás necesidades da transición enerxética e mellorar a súa competitividade, ese é o obxectivo do acordo marco asinado esta semana polo presidente do Clúster Turismo de Galicia, Cesáreo Pardal, e os representantes de Mota-Engil Renewing España, Luis Castanheira e Fernando Álvarez Neira. O acordo posibilita a instalación de puntos de recarga enerxética para vehículos eléctricos a todo tipo de empresas turísticas da comunidade interesadas e que conten cun espazo adecuado.

 

Segundo estipula o acordo marco, ME Renewing asumirá a totalidade dos custos necesarios para tramitar, instalar, operar e manter as estacións de recarga, incluíndo a conexión do punto de recarga a unha subministración de enerxía independente durante a duración do contrato.

 

Como contraprestación, exporase un modelo de éxito compartido flexible pola cesión do espazo, que se verá incrementado pola venda de enerxía na estación en base a criterios de rotación, así como a unha serie de indicadores como o concello no que estean localizadas as empresas, o tipo de actividade que desenvolvan, horarios, ou datos de ocupación, entre outros.

 

Con este acordo, o Clúster reafirma o compromiso do sector coa sostibilidade, apostando pola mobilidade eléctrica, á vez que facilita ás empresas do sector dispoñer dun servizo cada vez máis demandado e que promove a economía local, xa que no acordo se recolle o compromiso de contar con empresas galegas para o proceso de instalación dos proxectos, así como de equipar estas instalacións cos sistemas de pago máis avanzados e infraestrutura con garantía europea.

 

Clúster Turismo de Galicia (CTG)

 

O Clúster está integrado por 68 entidades, entre federacións, consorcios e asociacións provinciais e galegas, que representan o 95% do sector turístico de Galicia, agrupando a máis de 7.000 empresas. Constituído no ano 2013, o CTG consolidouse como a voz de turismo na Comunidade e centra os seus esforzos en impulsar iniciativas para fortalecer o sector e o destino Galicia, como un destino de referencia e diferenciado.

 

Mota-Engil Renewing

 

ME RENEWING é a Cleantech do Grupo Mota-Engil, que é un grupo empresarial líder en Portugal e multinacional de referencia internacional, cuxa actividade principal é a construción e xestión de infraestruturas, enfocada nas áreas de Enxeñería e Construción, Medio Ambiente, Concesións de Transporte, Inmobles, Minería e Enerxía.

 

ME Renewing, cuxa misión é acelerar a transición enerxética e a descarbonización das empresas, da industria e dos centros urbanos, deseña, financia e explora solucións sostibles e innovadoras na área da mobilidade, co obxectivo de reducir a pegada de carbono.

 

Co recente investimento na marca española REMO, Mota-Engil Renewing acelera o seu obxectivo de alcanzar 2.500 puntos de recarga operativos en España ata 2028. A colaboración entre ME Renewing e o Clúster reforza o compromiso de Galicia coa mobilidade eléctrica e a sostibilidade, consolidando a súa posición como un destino turístico innovador e respectuoso co medio ambiente.

17 de Decembro de 2024

O Clúster de Turismo e Mota-Engil Renewing facilitan ás empresas do sector a instalación de puntos de recarga enerxética para vehículos eléctricos

As entidades turísticas interesadas só terán que poñer un espazo adecuado ao dispor da empresa, que asumirá todos os custos de investimento e mantemento da estación. […]
17 de Decembro de 2024

76 empresas participan esta semana na xornada ‘Networking Rías Baixas: turismo que une’ organizada polo Clúster e Deputación de Pontevedra

O evento networking terá lugar o 19 de decembro no Edificio Sociocultural Manuel Rivero en Lalín. A cita pretende fomentar o coñecemento da oferta turística, especialmente […]
17 de Decembro de 2024

O Clúster Turismo de Galicia reforza o seu compromiso coa excelencia e a competitividade do sector

Galicia consolida o seu liderado en calidade turística con máis de 300 distintivos Q. Galicia segue avanzando como referente en calidade turística, consolidándose como a segunda […]
17 de Decembro de 2024

A Xunta de Galicia poñerá en marcha un Plan Termal no 2025

O presidente da Xunta, Alfonso Rueda, anunciou a medida durante a entrega do selo Galicia Calidade ao grupo Caldaria, a primeira incorporación do sector termal a […]
Página anterior
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582583584585586587588589590591592593594595596597598599600601602
Página siguiente