Clúster

A enquisa do Observatorio Cetelem prevé que o desembolso medio por persoa crecerá un 17 % con respecto ao 2021 e alcanzará os 1.184 euros.

O turismo nacional está a dar este verán un novo paso na senda cara á recuperación da situación previa á pandemia da  covid. A intención de gasto dos españois sitúase este ano en 1.184 euros por persoa, o que supón un incremento do 17 % con respecto aos 1.015 euros do verán pasado e queda xa moi preto dos 1.241 euros do 2019.

Os datos recompilados polo Observatorio Cetelem, de BNP Paribas Personal Finance, reflicten que o 34 % das persoas enquisadas han manifestado a súa intención de gastar máis diñeiro que o ano pasado, mentres que o 44 % tratará de realizar un gasto similar ao do 2021 e o 23 apertarase o cinto e destinará menos diñeiro ás súas vacacións que hai doce meses.

En canto ás actividades que teñen previsto realizar os españois este verán, a listaxe esta encabezada por ir a restaurantes, algo que apuntan 2 de cada 3 enquisados. En segundo lugar sitúase ir de compras (un 44 %), e en terceiro lugar, viaxar dentro do territorio español facendo uso de hoteis e apartamentos (un 38 %). Ir ao cinema (29 %), realizar actividades deportivas (26 %), visitar parques temáticos cos fillos (21 %) e asistir a concertos e visitar a amigos ou familiares dentro de España aloxándose nas súas vivendas (18 %) son as seguintes preferencias deste ranking.

Ademais, un 12 % ten intención de acudir a spas ou balnearios e un 7 % viaxará por España en autocaravana ou aloxándose en cámpings.