[:gl]Novas[:es]Noticias[:en]News[:]

A Xunta mantén nunha videoconferencia con representantes de Asturias, Cantabria, Euskadi e Turespaña para articular medidas conxuntas de reactivación no turismo

A Xunta de Galicia, xunto cos gobernos autonómicos das comunidades da España Verde, acordou reorientar as accións desta marca turística do norte peninsular ao mercado nacional tras a crise do COVID-19. Así se decidiu nunha videoconferencia entre as directoras e viceconselleiras de Turismo de Asturias, Cantabria, Euskadi e Galicia, representada a través de Nava Castro.

O encontro permitiu analizar conxuntamente o impacto da actual crise sanitaria nos seus respectivos territorios e articular posibles vías de colaboración conxunta baixo esta marca turística. Na reunión abordáronse as diferentes medidas adoptadas polo catro comunidades autónomas en colaboración co sector e púxose de manifesto a oportunidade que ofrece a España Verde á franxa do norte peninsular para traballar xuntos e axudar a impulsar ao sector no escenario de saída do confinamento.

Neste sentido, acordouse por unanimidade suspender a promoción internacional até o fin das restricións derivadas desta situación e centrar todos os esforzos en situar a marca no mercado nacional, para o que se apoiará en diversas accións online a través de vídeos promocionais e dun novo himno do compositor Antonio Garamendi.

Sumar á marca España
O grupo de traballo abordou a importancia de facer un esforzo conxunto na seguridade sanitaria e anunciouse a elaboración de material de comunicación e promoción conxunta nos próximos días. Durante este ano 2020, Galicia é a comunidade da España Verde que se encarga da coordinación de todas as actividades desta marca turística do norte peninsular.