[:gl]Novas[:es]Noticias[:en]News[:]

• En Galicia existen lugares privilexiados para gozar deste fenómeno meteorolóxico.

O Mar de Ardora, a manifestación da bioluminescencia mariña, que transforma a auga nun xogo de luces azuis e verdosas ao anoitecer, alcanza o seu auxe entre xullo e setembro, converténdose nun dos atractivos naturais máis buscados polos turistas da nosa rexión.

Debido aos baixos niveis de contaminación luminosa e á calidade das súas augas, a Costa da Morte é un dos lugares máis privilexiados do país para presenciar este fenómeno.

Non se pode predicir o momento exacto da aparición do Mar de Ardora porque depende de diversos factores ambientais.

Non obstante, segundo os expertos, as noites de verán sen lúa ou con lúa nova ofrecen as mellores condicións para observalo.

Os meses de xullo, agosto e setembro son os ideais, sendo as praias de Carnota, Estorde e Gures (Cee), Rebordelo (Cabana de Bergantiños), Ézaro (Dumbría), Os Riás (Malpica) e A Ermida (Ponteceso) os lugares máis privilexiados.

Os expertos en turismo sostible e conservación mariña recomendan chegar con poucas expectativas e con paciencia, xa que se trata dun evento natural imprevisible.