Clúster

• O evento networking terá lugar o 19 de decembro no Edificio Sociocultural Manuel Rivero en Lalín.
• A cita pretende fomentar o coñecemento da oferta turística, especialmente as propostas máis innovadoras, entre os axentes turísticos galegos.

Esta semana, máis concretamente o xoves, 19 de decembro, o Clúster Turismo de Galicia e Deputación de Pontevedra, coa colaboración de Turismo de Galicia, organizan o evento “Networking Rías Baixas: Turismo que une: Redes de traballo para a conformación de experiencias turísticas”. Unha cita que fomentará o coñecemento da oferta turística entre os axentes turísticos galegos, especialmente as propostas máis innovadoras, e que busca fortalecer a comercialización do destino Galicia.

Coas inscricións xa pechadas, o evento contará coa participación de 76 empresas turísticas, repartidas do seguinte xeito:

Compradores

Camino Compostela, YU Travel, Troulanda, Agencia Galiwonders, The Way Tours, Rutas Meigas, Always Spain Incoming S.L., Viantdotreks, Viajes Interrías, Simply Galicia, Turismo Pantón, EasyGalicia, Experiencias del Destino, Pambretours.com, Artnatura Galicia, Tee Travel, Circuitos Galicia Viajes, Aromatur Galicia, Agencia del Camino, Viajes Camino de Santiago e Celtravel.

Vendedores

Patrimonea, Eurostars Hotel Company, Miramar Stays, Minor Hotels (NH), Casa do Sear, Naviera Nabia, Camping Isla de Ons, We Galicia, Hotel Castro, Apartamentos Costa da Morte, Bodegas Granbazan, Bodegas Terras Gauda, Alecrín Actividades y Aventura, Hotel Fonteverde, Naviaventours Viaxes con Esencia, Secret Galicia, Talaso Atlántico, Melia Hoteles, Hotel Bahía de Vigo, Alda Hoteles, Corticata Turismo medioambiental, Amextreme, Hotel Carlos I Silgar, Bluscus Turismo Marinero, Pazo de Rubianes, Iberik Hoteles, OCA Hotels, Bodegas Vionta, Hotel Camino do Eume Apartamentos Turísticos, Adegas Celme, Quinta Sacra, Entre os Ríos Hotel Rural y Enoturismo, Dona María Casa Rural, Naturmaz Viajes S.L., Casa de Cacheiro, Hotel Plaza y Hotel Avenida en A Coruña, Piragüilla Ocio y Aventura, Julio Verne Nautica, Cabanas Rías Baixas, Hotel Mogay, Espazo Nature, Hemisferios S.L., Altavela, Hotel H4, Amare Turismo Náutico, Galicia Villa, Hotel Alfonso Primero, Aboamigalla, Animatium, Bodegas Regina Viarum, Comercial Norte, E-kletta Morrazo, Torre de Tebra, Hotel Villa Covelo e Turismo Pantón.

A xornada desenvolverase a partir das 09:00 horas, cunha presentación institucional na que intervirán o alcalde de Lalín, o presidente do Clúster de Turismo, o director de Turismo de Galicia e o presidente da Deputación de Pontevedra. Posteriormente, un responsable de Tourism&Law realizará unha intervención centrada no ‘Marco legal para a conformación para produtos e experiencias turísticas. Que podo facer e que produtos ou experiencias non debo comercializar?’. Tras isto, comezará a sesión de networking, con reunións rápidas dun máximo de 5 a 10 minutos de duración.