Clúster

• O lugar de encontro arredor da economía azul no Océano Atlántico celebrarase no Parador de Baiona do 13 ao 15 de marzo.

Os días 13, 14 e 15 de marzo de 2024 celebrarase, no Parador de Baiona, a terceira edición do Blue Atlantic Forum (BAF), o lugar de encontro arredor da economía azul no Océano Atlántico.

Trátase dun espazo de discusión e debate que busca promover a sustentabilidade e o desenvolvemento económico a través do uso responsable dos recursos mariños.

Durante tres xornadas, abordaranse temas como a economía azul como facilitador estratéxico do territorio, as chaves para unha transición enerxética sostible, o emprendemento ou a cooperación como ferramenta de xeración de valor, entre outros.

Relatores de primeiro nivel falarán da economía azul e dos seus 5 sectores con máis impacto: enerxías renovables mariñas, turismo, pesca, acuicultura e biotecnoloxía mariña. Expertos en diferentes áreas como gobernanza azul, emprendemento e innovación ou turismo compartirán os seus coñecementos e experiencias para atopar solucións innovadoras que impulsen unha economía azul máis próspera.

Trátase dun evento orientado a profesionais, estudantes e en xeral toda persoa interesada nas oportunidades que nos ofrecen os ríos, mares e océanos para vivir nun mundo máis sostible. Reserva a túa entrada de xeito gratuíto a través da seguinte ligazón.