Clúster

• O encontro terá lugar do 10 ao 12 de maio na illa de San Simón.
• As inscricións están abertas ata o domingo, 5 de maio.

O II Congreso de Turismo de Observación de Galicia está listo para recibir aos entusiastas da natureza e profesionais do sector os días 10, 11 e 12 de maio na illa de San Simón. Este evento, que se consolidou como un referente no ámbito do ecoturismo, ofrecerá un programa repleto de actividades, relatorios e mesas redondas.

Coa participación de destacados expertos como Carlos Saínz, CEO de Bahía de Santander Ecoturismo; Jose Manuel Ortega; CEO de Ojos de Doñana; Ana Vázquez; CEO de Alecrín Ecoturismo e WildGalicia; ou Jose Luis Fernández, presidente de AGETAN e CEO de Amextreme Aventura; o congreso abordará temas como a conservación da contorna natural, o turismo ornitolóxico e o astroturismo.

Ademais dos relatorios, os asistentes Terán a oportunidade de participar en actividades paralelas, como saídas en caiac ou talleres de identificación de bolboretas e observación astronómica. O programa completo e as inscricións, abertas ata o domingo 5 de maio, pódense consultar a través desta páxina web.

O evento busca promover o desenvolvemento sostible do turismo de observación en Galicia, destacando o potencial da rexión e fomentando a creación de sinerxías entre empresas do sector, axencias de viaxe e comunidades locais. Cunha ampla variedade de actividades e a participación de relatores de renome, o II Congreso de Turismo de Observación de Galicia preséntase como unha oportunidade única para descubrir e gozar da natureza da rexión, mentres se impulsa o crecemento responsable desta importante industria turística.