Clúster

A feira turística da capital portuguesa celebrarase entre os días 1 e 5 de marzo, estando as tres primeiras xornadas reservadas aos profesionais.

A próxima edición da Bolsa de Turismo de Lisboa celebrarase entre os días 1 e 5 do próximo mes de marzo e contará de novo con presenza galega. A Axencia Turismo de Galicia dispoñerá dun stand propio nesta cita que presume de ser a maior plataforma de contactos en Portugal relacionados co sector turístico e que reunirá a máis de 1.400 expositores en representación de 60 destinos internacionais.

Para fomentar a participación de empresas galegas durante as tres primeiras xornadas da BTL, as dedicadas en exclusiva ao público profesional, A Axencia Turismo de Galicia cedeu a este Clúster 50 invitacións para asistir á feira co obxectivo de que as poña ao dispor das empresas turísticas galegas que queiran participar.

Os interesados en facer uso destas invitacións teñen ata as 14 horas deste venres, 24 de febreiro, de prazo para solicitalas. Deben enviar un correo electrónico a secretariatecnica@clusterturismogalicia.com manifestando o seu interese en acudir e incluíndo os seus datos de contacto (nome, cargo, empresa, teléfono e correo electrónico). As invitacións están limitadas a un máximo de dous por entidade.