Clúster

As solicitudes deberán chegar antes do 26 de febreiro e o Clúster asumirá os custos de rexistro das primeiras 20 persoas que o soliciten

O Clúster do Turismo de Galicia participará na feira internacional de turismo de ITB Berlín, que este ano se celebrará en formato virtual, do 9 ao 12 de marzo de 2021.

As persoas que participen na feira como “visitante comercial” terán acceso a:

• Área de rede na que podes contactar vía chat / correos electrónicos coas empresas que consideres de interese.
• Accede a todas as presentacións no auditorio
• Zona de expositores onde poden visitar e solicitar citas aos expositores participantes, sen límite de reunións. Nesta ligazón podes consultar á lista de expositores.

Este acceso ten un custo de 99 euros que o Clúster asumiría integramente para un máximo de 20 participantes.

Para iso, é necesario que os que desexen participar como “visitante comercial” envíen un correo electrónico a secretariatecnica@clusterturismogalicia.com manifestando o seu interese e incluíndo os datos detallados a continuación:

• Nome da empresa, enderezo e teléfono.
• Nome e apelidos do representante da empresa
• Correo electrónico
• Contacto telefónico.

A data límite para a inscrición será o venres 26 de febreiro ás 12:00 horas. O rexistro realizarase por orde cronolóxica de solicitude e limitando o acceso a un representante por entidade.