Clúster

• O 53% dos españois apenas necesita entre unha e dúas semanas para planificar a súa viaxe.
• O 38% dos españois recoñece que cada vez improvisa máis á hora de viaxar.

A navieira Royal Caribbean publicou un estudo sobre o comportamento dos turistas españois á hora de planificar as súas vacacións. Segundo este, o 53% dos españois apenas necesita entre unha ou dúas semanas para planificar a súa viaxe. Ademais, o 38% dos recoñece que cada vez improvisa máis á hora de viaxar, tan só superados polos viaxeiros irlandeses (43%).

O estudo, no cal participaron 14.000 persoas de España, Alemaña, Italia, Irlanda, Noruega, Reino Unido e Suecia, tamén mostra que un 65% dos españois considera os cruceiros como unha boa opción de vacacións de último minuto.

Destinos

O informe indica que un 32% dos españois prefire visitar diferentes destinos nas súas vacacións, sendo a xuventude a máis disposta a aproveitar as súas viaxes ao máximo. Un 40% dos menores de 34 anos asegura que desexa gozar de varios destinos durante as súas vacacións; unha tendencia que diminúe coa idade, con só un 18% dos maiores de 65 anos interesados en visitar varias localizacións.

O 82% dos viaxeiros considera que as vacacións son o mellor momento para probar novas experiencias e saír da zona de confort.

Acompañamento

No que respecta a acompañantes, o 46% das persoas prefiren viaxar en parella, seguido da opción de facelo con nenos (27%), ou con amigos (26%). En cambio, o 20% das persoas declara estar considerando unha viaxe en solitario nos vindeiros anos.

Un 30% das mulleres prefire ir con amigas, mentres que un 25% prefire con nenos. No caso dos homes, a porcentaxe sitúase nun 29% e un 21% respectivamente.