Clúster

• O bono poderase gozar entre o 15 de setembro e o 25 de setembro

O bono turístico 2025 #DescubreGaliciaenOutono volveu a demostrar o seu tirón entre a cidadanía galega. 72 horas despois de poñerse ao dispor do público, o pasado venres 18 de xullo ás 09:00 h, os máis de 16.000 bonos dispoñibles esgotáronse, confirmando o éxito desta iniciativa que impulsa o turismo en tempada baixa.

A medida, impulsada para fomentar as escapadas de proximidade e dinamizar o sector fóra dos meses de maior afluencia, permitirá gozar de experiencias turísticas en Galicia entre o 15 de setembro e o 25 de decembro. Grazas a un cofinanciamento do 40%, cada bono adquirido por 90 euros permitirá consumir servizos turísticos por valor de 150 euros, mobilizando así un total de 2,5 millóns de euros nesta edición.

O esgotamento tan rápido do orzamento asignado pon de relevo o crecente interese por descubrir Galicia máis alá do verán, á vez que consolida o obxectivo de desestacionalizar a actividade turística.

• Aínda poden adherirse novas empresas turísticas

Aínda que xa non quedan bonos dispoñibles para os usuarios, o prazo de adhesión segue aberto para os establecementos turísticos e axencias de viaxe interesadas en formar parte do programa. Poderán inscribirse ata o 1 de decembro a través da plataforma oficial bonoturismo.gal.